MAŨNDŨ MA VATA KUMA NDETONĨ YA NGAI | ESITA 6-10
Maũndũ Ala Esita Weekie Nĩmoonanisye Kana Nĩwendete Yeova na Andũ Make
Yĩla yĩ na Movano
Esita aĩ na ũkũmbaũ na ndeeyendete ĩla wateteaa Yeova na andũ make
8:3-5, 9
Esita na Molitekai mayaĩ mũisyonĩ. Ĩndĩ mwĩao ũla Amani waumisye wa kũwaa Ayuti nĩwanyaĩĩkĩte mũno
Esita nĩwalikilye thayũ wake mũisyonĩ ĩla waendie vala ve mũsumbĩ ate mũthokye. Nĩwaĩie mũno nũndũ wa andũ make, na akũlya mũsumbĩ avetange mwĩao ũsu
Mĩao ĩla yaandĩkĩtwe syĩtwanĩ ya mũsumbĩ ndyaĩ ĩtonya kũalyũka. Kwoou mũsumbĩ nĩwanengie Esita na Molitekai mwanya wa kũandĩka mwĩao ũngĩ
Yeova nĩwanengie andũ make ũsindi mũnene
8:10-14, 17
Mwĩao ũngĩ ũla waumiwʼe nĩwanengie Ayuti mwanya wa kwĩsiĩĩa
Atwai ma mbalasi nĩmaendie kĩla vandũ ũsumbĩnĩ ũsu, na Ayuti meeyũmbanĩsya kaũ
Andũ aingĩ nĩmoonie kana Ngai e vamwe na Ayuti, namo matwʼĩka Ayuti