Ĩthĩwa na Nguma sya Kĩklĩsto​—Mũĩkĩĩo

NĨKĨ MŨĨKĨĨO NĨ WA VATA:

• No nginya twĩthĩwe na mũĩkĩĩo nĩ kana tũmwendeesye Ngai.​—Aevl 11:6

• Kũĩkĩĩa mawatho ala Ngai ũtwathĩte nĩkũtumaa tũmĩĩsya motato.​—1Vet 1:​6, 7

• Kwĩthĩwa ũte na mũĩkĩĩo no kũtume wĩka naĩ.​—Aevl 3:​12, 13

ŨNDŨ ŨTONYA KWĨTHĨWA NA MŨĨKĨĨO:

• Voya nĩ kana ũlũlũmĩĩlye mũĩkĩĩo waku.​—Lk 11:​9, 13; Aka 5:⁠22

• Soma Ndeto ya Ngai na ũisũanĩĩa maũndũ ala ũũsoma.​—Alo 10:17; 1Tim 4:⁠15

• Tindanasya na andũ me na mũĩkĩĩo mũlũmu.​—Alo 1:​11, 12

ĨLOELEI VITIO YĨ NA KYONGO, ATĨĨA MAŨNDŨ ALA MATONYA KŨŨTETHEESYA ŨLŨLŨMĨĨLYE ŨĨKĨĨKU WAKU​—MŨĨKĨĨO, NA ĨNDĨ MŨISŨNGĨA MAKŨLYO AA MAATĨĨE:

• “Mũĩkĩĩo ũte na wanganganʼyo” nĩ kyaũ? (1Tim 1:⁠5)

• Nĩ kana twĩthĩwe na mũĩkĩĩo mũlũmu, nĩ maũndũ meva twaĩle kwĩvathana namo?

• Nĩkĩ mũĩkĩĩo ũkethĩwa wĩ wa vata ĩvindanĩ ya ũla thĩna mũnene? (Aevl 10:⁠39)