Kũtũmĩa Makũlyo

Mathayo 16:13-16

KWA ŨKUVĨ: Kũlya makũlyo kwa ũĩ na wĩ na ndaĩa nĩ kana ũtetheesye ethukĩĩsya maku mendeewʼe, na ũyĩthĩwa ũtonya kũsũanĩa vamwe namo na kũkindĩlĩĩla maũndũ ala ma vata.

ŨNDŨ ŨTONYA KWĨKA ŨU:

• Tetheesya ethukĩĩsya mendeewʼe. Kũlya ethukĩĩsya makũlyo matonya kũtuma masũanĩa na meũtuma menda kũmanya maũndũ maingangĩ.

• Tetheesya ethukĩĩsya masũanĩe kĩla ũũneenea. Tetheesya ethukĩĩsya maku makwatye kĩla ũũneenea kwa kũkũlya makũlyo matonya kũtuma makĩelewa.

• Kindĩlĩĩla maũndũ ala ma vata. Kũlya ĩkũlyo ya kwendeesya yĩla ũkwenda kũneenea ũndũ wa vata. Kũlya makũlyo ma kũsyokeleela ĩtina wa kũneenea ũndũ wa vata, kana yĩla ũũminĩĩa kĩla ũũneeneaa.