Wasya Ũla Waĩle

Nthimo 8:4, 7

KWA ŨKUVĨ: Umĩlya nesa maũndũ ala ma vata na ũikiita ngoo sya ethukĩĩsya kwa kũneena na wasya mũnene kana wasya mũnini, kũneena na wasya wa ĩũlũ kana wasya wa nthĩ, na kwa kũneena na mĩtũkĩ kana o kavola.

ŨNDŨ ŨTONYA KWĨKA ŨU:

• Neena na wasya mũnene kana wasya mũnini. Ongela wasya yĩla ũũweta maũndũ ala manene na yĩla ũũthangaasya ethukĩĩsya. Ĩka oou yĩla ũũsoma maũndũ me Maandĩkonĩ makonetye ũsilĩlo. Ola wasya yĩla ũkwenda ethukĩĩsya methĩwe na mea ma kwĩwʼa kĩla ũkilyĩ kũweta, kana yĩla ũkwenda kũweta ũndũ waĩle kũkĩwa kana ũndũ wa kũmakya.

• Neena na wasya wa ĩũlũ kana wasya wa nthĩ. No ũneene na wasya wa ĩũlũ (kana mũtheke) yĩla ũũweta ũndũ wa kũsanzamũkya, yĩla ũũweta ũndũ kĩndũ kĩana, kana yĩla ũũweta ũasa ethĩwa kĩthyomo kyenyu nĩkĩũkwĩtĩkĩlya kwĩka ũu. Neena na wasya wa nthĩ yĩla ũũweta ũndũ wa kyeva na wa kũmakya.

• Neena na mĩtũkĩ kana o kavola. Neena na mĩtũkĩ yĩla ũũweta ũndũ wa kũtanĩthya. Neena o kavola yĩla ũũweta maũndũ ma vata.