Watchtower LIBRARY INDANETINĨ
Watchtower
LIBRARY INDANETINĨ
Kikamba
Ũ
  • ũ
  • Ũ
  • ĩ
  • Ĩ
  • MBIVILIA
  • MAVUKU
  • MAŨMBANO
  • w13 1/7 ĩth. 7
  • Yo Ve Ndĩni Tũtonya Kũĩkĩĩa?

Vai vitio ya kĩla wanyuva.

Vole, ve thĩna waumĩla.

  • Yo Ve Ndĩni Tũtonya Kũĩkĩĩa?
  • Mũsyaĩĩsya Yĩtavanasya Ũsumbĩ wa Yeova—2013
  • Ũvoo Ũngĩ ta Ũũ
  • Mbivilia Ĩmanyĩasya Ata?
    Mũsyaĩĩsya Yĩtavanasya Ũsumbĩ wa Yeova (Ĩkaseti ya Andũ onthe)—2016
  • Nĩkĩ Waĩle Kũthiana Ndĩni Yaku?
    Mũsyaĩĩsya Yĩtavanasya Ũsumbĩ wa Yeova—2013
  • No Ũmaĩkĩĩe Ana-a-asa Maku
    Mũsyaĩĩsya Yĩtavanasya Ũsumbĩ wa Yeova (Ĩkaseti ya Kwĩmanyĩsya)—2022
Mũsyaĩĩsya Yĩtavanasya Ũsumbĩ wa Yeova—2013
w13 1/7 ĩth. 7

Yo Ve Ndĩni Tũtonya Kũĩkĩĩa?

Ethĩwa ve ndĩni yaaũtũla ngoo, noĩthwa wĩwʼaa vinya kũĩkĩĩa ndĩni o na yĩva. Ĩndĩ ĩthĩwa na mũĩkĩĩo kana ve ndĩni ũtonya kũĩkĩĩa. Ĩla Yesũ waĩ kũũ nthĩ nĩwoombanisye kĩkundi kya aatĩĩi make aĩkĩĩku, na amamanyĩsya ũndũ matonya kwĩkala kwosana na mĩao ya Ngai. Ũmũnthĩ aatĩĩi ta asu ma wʼo na methĩawa me na kĩthito kya kũatĩĩa mĩao ya Ngai me o kwʼo. Ũtonya kũmakwata va?

Estelle, ũla tũmũwetie mbeenĩ easya ũũ: “Nĩnesie kwambĩĩa kwĩmanyĩsya Mbivilia vamwe na Ngũsĩ sya Yeova. Ndyaakua ĩvinda ĩasya ndaeleetwe ĩandĩko ya Yoana 8:32 yĩla yaasya: ‘Mũkamanya ũla wʼo, na ũla wʼo ũkamũthasya.’”

O nake Ray, ũla ũwetiwe mbeenĩ easya: “Ĩla nambĩĩe kwĩmanyĩsya Mbivilia na Ngũsĩ sya Yeova, nĩneemanyĩisye kana ti kwenda kwa Ngai andũ mathĩne. Nĩnatanie kũmanya kana o na kau Ngai e na kĩtumi kĩseo kya kwĩtĩkĩlya ũthũku, nũtwathĩte kana o mĩtũkĩ akaũvetanga vyũ.”

Nĩ vinya kwĩka ũndũ ũla waĩlĩte nũndũ andũ aingĩ mekaa maũndũ mataĩle. Ĩndĩ nĩvatonyeka ũkeka ũla waĩle. Andũ aingĩ nĩmethĩawa mayenda kũtetheewʼa mamanye Mbivilia na maiatĩĩa kĩla meemanyĩsya. Nĩkyo kĩtumi Ngũsĩ sya Yeova syĩmanyĩasya Mbivilia na andũ milioni mbingĩ nthĩ yonthe vate ndĩvi. Kĩla kyumwa andũ aingĩ nĩmamanyaa kĩla Mbivilia ĩmanyĩasya. Kwondũ wa ũu, nĩmaendee kũmũthengeea Mũmbi woo, na kũmanya ũndũ matonya kwĩthĩwa na ũtanu.a

Kũlya Ngũsĩ sya Yeova nĩkĩ maĩkĩĩaa ndĩni yoo

Ĩla ũũkomana ĩngĩ na Ngũsĩ sya Yeova, makũlye nĩkĩ maĩkĩĩaa ndĩni yoo. Sisya nesa momanyĩsyo moo na mwĩkalo woo. Na ĩndĩ ũyĩtwʼĩĩa we mwene ethĩwa ve ndĩni ũtonya kũĩkĩĩa.

a Nĩ kana ũkwate ũvoo mwingangĩ, sisya ĩvuku Mbivilia Yo Ĩmanyĩasya Ata? yĩla yĩkyavĩthĩtwʼe nĩ Ngũsĩ sya Yeova.

    Kikamba Publications (1950-2025)
    Uma
    Lika Nthĩnĩ
    • Kikamba
    • Tũma
    • Mũvangĩle ũla ũkwenda
    • Copyright © 2025 Watch Tower Bible and Tract Society of Pennsylvania
    • Mĩao ya Kũtũmĩa
    • Ũvoo Waku wa Kĩmbithĩ
    • Mpangilio wa Faragha
    • JW.ORG
    • Lika Nthĩnĩ
    Tũma