Mbivilia Ĩmanyĩasya Ata?

We Ngai nũsũngĩaa mboya syonthe?

ŨTONYA KWASYA ASŨNGĨAA MBOYA SYA . . .

• Kĩla mũndũ

• Andũ amwe

• Ndasũngĩaa mboya

ŨNDŨ MBIVILIA YAASYA

“Yeova e vakuvĩ na onthe . . . ala mamwĩkaĩlaa na wʼo.”—Savuli 145:18.

NĨ ŨNDŨ ŨNGĨ MWAŨ TŨKWĨMANYĨSYA KUMA MBIVILIANĨ?

• Ngai ndethukĩĩasya mboya sya ala matamwĩwʼaa. (Isaia 1:15) O na vailyĩ ũu, nĩmatonya ‘kũsũanĩa vamwe’ nake ĩla maalyũla nzĩa syoo.—Isaia 1:18.

• Nĩ kana Ngai asũngĩe mboya, no nginya yĩthĩwe yosanĩte na kwenda kwake kũla kwĩ Mbivilianĩ.—1 Yoana 5:14.

Twaĩle kũvoya tũilyĩ ata?

ANDŨ AMWE MAĨKĨĨAA kana no nginya makatulya ndu kĩla ĩvinda, makakunamya mĩtwe yoo, kana makakwatana moko ĩla meũvoya. We wĩ na woni mwaũ?

ŨNDŨ MBIVILIA YAASYA

Ngai nĩwasũngĩie mboya sya andũ mamũvoyie ‘mekalĩte nthĩ,’ ‘maũngye,’ ‘mavalũkĩte nthĩ,’ kana ‘matulĩtye ndu.’ (1 Mavinda 17:16; 2 Mavinda 30:27; Esala 10:1; Meko ma Atũmwa 9:40) Ti lasima twĩthĩwe tũilyĩ kwa nzĩa ya mwanya ĩla tũũvoya.

NĨ ŨNDŨ ŨNGĨ MWAŨ TŨKWĨMANYĨSYA KUMA MBIVILIANĨ?

• Ngai nĩwĩthukĩĩasya mboya sya ala me na wĩnyivyo.—Savuli 138:6.

• No ũvoye ũtũmĩĩte kĩthyomo o na kĩva, kana ũkavoya ũte kumya wasya.—2 Mavinda 6:32, 33; Neemia 2:1-6.