-
Tɔm Hʋyaa 1:21Bibl—Ɛjaɖɛ kɩfaɖɛ tɔm ɖɛzʋʋ
-
-
21 Ɛlɛ Bɛnjamɛɛ mba tɩɖɔɔnɩ Yebuusi ñɩma mba paawɛ Yeruzalɛm yɔ, nɛ Yebuusi mba wɛɛ Bɛnjamɛɛ mba hɛkʋ taa mbʋ Yeruzalɛm halɩ nɛ sɔnɔ.+
-
-
2 Samɩyɛɛlɩ 5:6, 7Bibl—Ɛjaɖɛ kɩfaɖɛ tɔm ɖɛzʋʋ
-
-
6 Nɛ wiyaʋ nɛ ɛ-ɛyaa palɩɩ se pɛɖɛɛ Yeruzalɛm nɛ poyooni Yebuusi ñɩma+ mba paawɛ egeetiye nɖɩ ɖɩ-taa yɔ. Paahoŋ Daviid nɛ peheyi-i se: «Ŋŋkaɣ sʋʋ cɩnɛ kpa! Halɩ yʋlʋmaa nɛ kaakalasɩ pakaɣnɩ-ŋ ɖɔɔnʋʋ.» Pamaɣzaɣ se: «Daviid ɛɛkaɣ sʋʋ cɩnɛ kpa.»+ 7 Ɛlɛ Daviid mʋ Siyɔŋ tɛtʋ ɖoŋ ñɩndʋ; nɛ ndʋ payaɣ lɛɛlɛɛyɔ se Daviid Tɛtʋ.+
-