8 «Ye tɔm natʋyʋ ɛtalɩ mɩ-tɛtʋ natʋyʋ taa nɛ tɩ-hʋʋ kɩlɩ-ŋ kaɖɛ yɔ, paa pɩtɩɩkɛ calɩm kpɛdʋʋ tɔm+ yaa tɔm hʋʋ nabʋyʋ tɔm yaa puuyaɣ lakasɩ nzɩ nɔɔyʋ laba yɔ sɩ-tɔm yaa ɖama kɩɩnɩnʋʋ tɔm lɛɛtʋ yɔ, pɩwɛɛ se ŋkʋyɩ nɛ ŋwolo lone nɖɩ ñɛ-Ɛsɔ Yehowa lɩzɩɣ yɔ ɖɩ-taa.+ 9 Wolo cɔjɔnaa Leevi mba nɛ tɔm hʋyʋ+ weyi ɛhʋʋ tɔm kɩyakɩŋ ɛnɩ ɩ-taa yɔ pɔ-cɔlɔ nɛ ŋheyi-wɛ tɔm ndʋ nɛ peheyi-ŋ ɛzɩma pɩwɛɛ se ŋkpaɣna yɔ.+