14 Nɛ Yehowa heyi Moyizi se: «Ma tɔm tʋnɛ takayaɣ taa nɛ pɩkɛ mbʋ pɩ-yɔɔ pɔtɔzʋʋ yɔ* nɛ ŋtasɩ-tʋ heyuu Yozuwee: “Mankaɣ Amalɛɛkɩ hɩzʋʋ caɣ caɣ tɛtʋ kpeekpe yɔɔ nɛ paakaɣ ɛ-yɔɔ tɔzʋʋ wiɖiyi.”»+

47 Sɔɔlɩ kpazɩ e-kewiyitu ɖoŋ Izrayɛɛlɩ yɔɔ nɛ eyooni e-koyindinaa tɩŋa hɔɔlɩŋ kpeekpe taa; eyoni Mowaabʋ mba,+ Amooni mba,+ Edom mba,+ Zobaa+ awiya nɛ Filistii mba;+ nɛ ɖenɖe payɩ ewokaɣ yɔ, ɛwakaɣ-wɛ. 48 Nɛ ɛla you nɛ abalɩtʋ nɛ ɛwa Amalɛɛkɩ mba+ nɛ eholi Izrayɛɛlɩ mba nɛ ɛlɩzɩ-wɛ mba palazaɣ pa-ñɩm yɔ pe-nesi tɛɛ.

15 Nɛ Samɩyɛɛlɩ heyi Sɔɔlɩ se: «Yehowa kaatiyi-m se manta-ŋ num nɛ ŋkɛ ɛ-samaɣ Izrayɛɛlɩ wiyaʋ;+ lɛɛlɛɛyɔ lɛ, welisi tɔm ndʋ Yehowa wɛna se ɛyɔɔdʋʋ yɔ.+ 2 Tɔm tʋnɛ yoyaa tɛ Yehowa yɔɔdʋʋ: “Mankaɣ Amalɛɛkɩ mba pɔzʋʋ akɔnta mbʋ palabɩ Izrayɛɛlɩ mba alɩwaatʋ ndʋ pakaɖɩnɩ-wɛ nʋmɔʋ taa, paba lɩnɩ Ejipiti nɛ pɛɖɛɣ lɛ yɔ pɩ-yɔɔ.+ 3 Lɛɛlɛɛyɔ lɛ, wolo nɛ ŋkʋ Amalɛɛkɩ mba,+ nɛ ŋɖɩzɩ-wɛ+ nɛ pɩkpɛndɩnɩ mbʋ payɩ pɛwɛna yɔ. Pɩtɩpɔzɩ se ŋkazɩ pa-taa nɔɔyʋ;* pɩwɛɛ se ŋkʋ+ abalaa nɛ halaa, piya nɛ piya nzɩ siɖiɣni mʋzʋʋ yɔ, naŋ nɛ heŋ, aɖaaɖaanaa nɛ kpaŋasɩ.”»+

42 Siimeyɔɔ mba nabɛyɛ kpa Seyiri+ Pʋʋ taa, paakpɛndɩ ɛyaa 500; pa nɛ Isii pɩyalaa mba peɖiyi-wɛ yɔ: Pelatiya, Neyariya, Refaya nɛ Uziyɛɛlɩ. 43 Nɛ paɖɩzɩ Amalɛɛkɩ ñɩma+ mba paasewa nɛ pɛmɛlɩ peeɖe yɔ, nɛ pacaɣ peeɖe halɩ nɛ sɔnɔ.