39 Laa ɛyaʋ kʋɖʋmʋʋ tanaŋ tɛɛ, nɛ wɩsɩ ɖʋʋ* lɛ+ ŋlaa ɛyaʋ lɛɛkʋ. 40 Ŋkaɣ kpaɣʋ mʋlʋm mbʋ pɩkpɩzɩ camɩyɛ yɔ efa* hɔɔlʋʋ 10 ñɩŋgʋ nɛ ŋsidini oliivi num mbʋ pɔsɔbɩ oliivi kɩsɔbʋ nɛ palɩzɩ-pʋ yɔ hiini* hɔɔlʋʋ 4 ñɩŋgʋ, nɛ kilizaɣ tɛ vɛɛ hiini hɔɔlʋʋ 4 ñɩŋgʋ, nɛ ŋlaanɩ kajalaɣ ɛyaʋ. 41 Wɩsɩ ɖʋʋ* lɛ, ŋkaɣ laʋ ɛyaʋ 2 ñɩŋgʋ, pɩ nɛ tɔɔnaɣ pee kɩlaʋ nɛ kilizasɩ ɛzɩ tanaŋ tɛɛ yɔ. Ŋkaɣ labʋ nɛ pɩkɛ sɔzɩŋ weyi ɛkɛdɩnɩ Yehowa yɔ,* kɩlaʋ ŋgʋ pañaɣzɩɣ-ɩ kʋ miŋ yɔ.