-
Izaayii 20:3, 4Bibl—Ɛjaɖɛ kɩfaɖɛ tɔm ɖɛzʋʋ
-
-
3 Nɛ Yehowa yɔɔdɩ se: «Ɛzɩ ma-lɩmɖʋyʋ Izaayii ɖɔm ndaakpeɖe nɛ nɩŋgbanzɩ kpɛɖɛ pɩnzɩ 3 nɛ pɩkɛ yʋsaɣ+ nɛ kawɩlaɣ Ejipiti+ nɛ Etiyoopii+ yɔ, 4 mbʋ ɖɔɖɔ Asiirii wiyaʋ kaɣ kpaɣʋ Ejipiti yomaa+ nɛ Etiyoopii ñɩma mba pɛkɛzɩɣ-wɛ tɛtʋ yɔ nɛ ɛɖɛna, abalɩbiya nɛ akpadɩyaa, pakaɣ wɛʋ ndaakpeɖe nɛ nɩŋgbanzɩ kpɛɖɛ nɛ nabʋyʋ ɛɛkaɣ huuzuu pɔ-tɔbɩŋ yɔɔ. Ɛɛɛ, pɩkaɣ Ejipiti ɖʋʋ fɛyɛ.*
-
-
Yereemii 25:17Bibl—Ɛjaɖɛ kɩfaɖɛ tɔm ɖɛzʋʋ
-
-
17 Peeɖe mamʋ kɔpʋ ŋgʋ Yehowa nesi tɛɛ, nɛ mɔñɔzɩ-kʋ ajɛɛ wena a-cɔlɔ payɩ Yehowa tiyi-m yɔ:+
-
-
Yereemii 25:19Bibl—Ɛjaɖɛ kɩfaɖɛ tɔm ɖɛzʋʋ
-
-
19 pʋwayɩ lɛ, Ejipiti wiyaʋ Farawɔɔ nɛ ɛ-lɩmɖʋyaa, ɛ-awumbiya, nɛ ɛ-samaɣ tɩŋa,+
-
-
Yereemii 43:10, 11Bibl—Ɛjaɖɛ kɩfaɖɛ tɔm ɖɛzʋʋ
-
-
10 Pʋwayɩ lɛ, ŋheyi-wɛ se: “Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: ‘Ɩna, menɖiɣni tiyuu se payaa ma-lɩmɖʋyʋ Babilɔɔnɩ wiyaʋ Nabukodonozɔɔrɩ,*+ nɛ mankaɣ sɩʋ e-kewiyaɣ kpelaɣ kaaŋ ɛnɛ ɩ-ñʋʋ yɔɔ kpam, kaaŋ weyi mɛmɛsaa yɔ; nɛ ɛkaɣ posuu e-kewiyaɣ kizinziku ɩ-yɔɔ.+ 11 Nɛ ɛkaɣ sʋʋ nɛ eyooni Ejipiti ɛjaɖɛ.+ Weyi ɛmʋnɩ kʋdɔŋ ŋgʋ kɩkɔŋnɩ sɩm yɔ, pɩkaɣ-ɩ tɛmnʋʋ nɛ kʋdɔŋ ŋgʋ kɩkɔŋnɩ sɩm yɔ; nɛ weyi ɛmʋnɩ yomiye taa wobu yɔ, pɩkaɣ-ɩ tɛmnʋʋ nɛ yomiye taa wobu; nɛ weyi ɛmʋnɩ laɣɖɛ yɔ, pɩkaɣ-ɩ tɛmnʋʋ nɛ laɣɖɛ.+
-