• Izaayii 1:23
    Bibl—Ɛjaɖɛ kɩfaɖɛ tɔm ɖɛzʋʋ

    • 23 Ña-awumbiya kɛ ñʋʋ taa ɖoŋ tɩnaa nɛ mɩlaa taabalaa.+

      Pa-taa paa weyi lɛ ɛsɔɔlɩ mulum kʋjɔʋ nɛ eseɣ kʋjɔŋ wayɩ.+

      Paahʋʋ weyi ɛfɛyɩnɩ caa yɔ* ɛ-tɔm siɣsiɣ,

      Nɛ ye lelu ɛwɛnɩ tɔm se pahʋʋ-tʋ yɔ, tɩɩtalɩɣ pɔ-cɔlɔ kpa.+

  • Yereemii 5:26-28
    Bibl—Ɛjaɖɛ kɩfaɖɛ tɔm ɖɛzʋʋ

    • 26 Mbʋ pʋyɔɔ yɔ ɛyaa kañatʋ tɩnaa wɛ man-samaɣ taa.

      Pɛwɛɛ nɛ pɔcɔŋnɩ cuɖuɖu, ɛzɩ sumasɩ kpayaa pabʋʋ se pakpa sumasɩ yɔ.

      Pañɩkɩ kpaca ŋgʋ kɩkɔŋnɩ sɩm yɔ.

      Ɛyaa pakpaɣ.

      27 Ɛzɩ sumasɩ ɖaŋ ŋgʋ sumasɩ su kɩ-taa yɔ,

      Mbʋ cɛtɩm su pa-ɖɩsɩ taa.+

      Mbʋ yebina nɛ papɩsɩ ɖoŋ tɩnaa nɛ ñɩm tɩnaa.

      28 Paɖʋ num nɛ pɔ-yɔɔ lɛzɩ lɛzɛ lɛzɛ;

      Kɩdɛkɛdɩm su pa-taa nɛ pɩwadɩɣ.

      Pɩsa nɛ piɖeni-wɛ lɛ,

      Paalʋkɩ weyi ɛfɛyɩnɩ caa yɔ ɛ-yɔɔ tɔm hʋʋ taa;+

      Nɛ pekiziɣ kʋñɔndɩnaa tɔm hʋʋ siɣsiɣ.”»+

  • Mikee 2:1, 2
    Bibl—Ɛjaɖɛ kɩfaɖɛ tɔm ɖɛzʋʋ

    • 2 «Pɩtɔɔ mba paɖʋʋ pa-taa se palakɩ kɩdɛkɛdɩm yɔ,

      Mba pamaɣzɩɣ mbʋ pɩfɛyɩ ɖeu yɔ pɩ-labʋ yɔɔ pa-kaɖʋnaa yɔɔ yɔ!

      Alɩwaatʋ ndʋ tanaŋ tɛɛ ñalɩmɩyɛ lɩɣ yɔ, mbʋ palakɩ ɖɔɖɔ;

      Mbʋ pʋyɔɔ yɔ pɛwɛnɩ ɖoŋ se pala mbʋ.+

       2 Pe-liu tɛɛ kɔtʋʋnɩ hayɩm nɛ pamʋʋ-pʋ nɛ ɖoŋ;+

      Pe-liu tɛɛ kɔtʋʋnɩ ɖɩsɩ ɖɔɖɔ, nɛ pamʋʋ-sɩ;

      Pomuluu ɛyʋ nɛ pamʋʋ ɛ-ɖɩɣa,+

      Pomuluu ɛyʋ nɛ pamʋʋ ɛ-ñɩm.