• Wayɩ Wayɩ Paɣtʋ 28:52
    Bibl—Ɛjaɖɛ kɩfaɖɛ tɔm ɖɛzʋʋ

    • 52 Pakaɣ-ŋ cɔʋ nɛ pata, pakaɣ-ŋ ɖɩɣʋ ñɛ-tɛtʋ ndɩ ndɩ* tɩŋa taa ñɛ-ɛjaɖɛ kpeekpe taa nɛ pɩkɔɔ pɩtalɩ alɩwaatʋ ndʋ ño-kolonzi kʋkʋyɩsɩ ɖoŋ ñɩnzɩ nzɩ ŋtaɣ-sɩ liu yɔ sɩtɔlaa yɔ. Toovenim taa lɛ, pakaɣ-ŋ cɔʋ nɛ pata ñɛ-tɛtʋ ndɩ ndɩ tɩŋa taa, ɛjaɖɛ nɖɩ ñɛ-Ɛsɔ Yehowa cɛlɩ-ŋ yɔ ɖi-kpeekpe ɖɩ-taa.+

  • 2 Awiya 25:1, 2
    Bibl—Ɛjaɖɛ kɩfaɖɛ tɔm ɖɛzʋʋ

    • 25 Zedekiya kewiyitu tɔɔʋ pɩnaɣ 9 ñɩŋga taa, fenaɣ 10 ñɩŋga taa, fenaɣ ŋga ka-kɩyakʋ 10 ñɩŋgʋ wiye, Babilɔɔnɩ wiyaʋ Nabukodonozɔɔrɩ+ nɛ ɛ-sɔɔjanaa kpeekpe powobi Yeruzalɛm wayɩ.+ Pekpeɣlaa se poyooni-kʋ nɛ pama tɛtʋ ñɛyʋʋ koloŋa nɛ pɩcɔɔ-kʋ nɛ pɩta,+ 2 nɛ pɛñɛyɩ tɛtʋ ndʋ nɛ pɩkɔɔ nɛ pɩtalɩ Wiyaʋ Zedekiya pɩnaɣ 11 ñɩŋga taa.

  • Ezekɩyɛɛlɩ 4:1, 2
    Bibl—Ɛjaɖɛ kɩfaɖɛ tɔm ɖɛzʋʋ

    • 4 «Nɛ ña yɔ, ɛyʋ pɩyalʋ, kpaɣ filiki nakʋyʋ nɛ ŋsɩɩ-kʋ ñɛ-ɛsɩndaa. Lɩzɩ kɩ-yɔɔ tɛtʋ natʋyʋ: Yeruzalɛm. 2 Ñɛyɩ-kʋ,+ ma tɛtʋ ñɛyʋʋ koloŋa nɛ pɩcɔɔ-kʋ nɛ pɩta,+ siɣ you wondu nɛ pɩcɔɔ-kʋ nɛ pɩta,+ siɣ kizinzikiŋ weyi ɩ-tɛɛ sɔɔjanaa cakɩ yɔ nɛ pɩcɔɔ-kʋ nɛ pɩta, nɛ ŋsiɣ you wondu ndʋ pɔyɔkʋʋnɩ kolonzi yɔ nɛ pɩcɔɔ-kʋ nɛ pɩta.+

  • Ezekɩyɛɛlɩ 21:21, 22
    Bibl—Ɛjaɖɛ kɩfaɖɛ tɔm ɖɛzʋʋ

    • 21 Mbʋ pʋyɔɔ yɔ Babilɔɔnɩ wiyaʋ sɩŋ habɛɛ ɖɩgbɛndɩyɛ taa, ɖenɖe habɩyɛ tayɩ nabʋlɛ yɔ nɛ ɛtɩyɩɣ. Eciɣdiɣ tɔʋ ñɩma. Ɛpɔzʋʋ piye ɛ-sɩʋ kpelisi;* ɛtazɩɣ hɔyɛ taa. 22 Tɩyɩtʋ ndʋ tɩwɛ e-nesi kɩbanzɩ taa yɔ, ɛtʋʋzɩ-tʋ nɛ Yeruzalɛm yɔɔ se esiɣ you wondu ndʋ pɔyɔkʋʋnɩ kolonzi yɔ, se ɛha nɔɔ nɛ papaɣzɩ ɛyaa kʋʋ, se ɛma you kubuka, se esiɣ you wondu ndʋ pɔyɔkʋʋnɩ nɔnɔsɩ yɔ, se esiɣ you wondu nɛ pɩcɔɔ tɛtʋ nɛ pɩta, se ɛma tɛtʋ ñɛyʋʋ koloŋa.+