6 Nɛ pakpa wiyaʋ+ nɛ powoni-i Babilɔɔnɩ wiyaʋ cɔlɔ Ribla, nɛ pahʋʋnɩ-ɩ tɔm. 7 Pakʋ Zedekiya pɩyalaa ɛ-ɛsɩndaa; pʋwayɩ lɛ Nabukodonozɔɔrɩ yʋlʋsɩ Zedekiya ɛsa, ɛhɔkɩ-ɩ nɛ ñɩɣyʋʋ kɩsɛɛmʋʋ kpasɩ, nɛ ewoni-i Babilɔɔnɩ.+

12 Ñʋʋdʋ weyi ɛwɛ pɛ-hɛkʋ taa yɔ, ɛkaɣ kpaɣʋ mbʋ ɛwɛna yɔ nɛ ɛsɩɩ ɛ-hazaɣ yɔɔ nɛ ɛɖɛɛ alɩwaatʋ ndʋ piyuu cɩkpɛndʋʋ yɔ. Ɛkaɣ hʋyʋʋ koloŋa pɔʋ nɛ ɛkpaɣ mbʋ ɛwɛna yɔ nɛ ɛtɩŋnɩ kɩ-taa nɛ ɛlɩɩ.+ Ɛkaɣ huuzuu ɛ-ɛsɩndaa se pɩsa nɛ ɛtaana tataa.” 13 Mankaɣ-ɩ lɔʋ piyuu, nɛ mankaɣ-ɩ kpaʋ men-piyuu taa.+ Nɛ mankaɣ-ɩ wonuu Babilɔɔnɩ, Kalɩdee mba ɛjaɖɛ taa, ɛlɛ ɛɛkaɣ-ɖɩ naʋ; nɛ ɛkaɣ sɩbʋ peeɖe.+