48 Yehowa kaɣ tiyuu ño-koyindinaa nɛ pɔkɔɔ ña-wayɩ nɛ ŋkaɣ-wɛ lɩm ɖʋʋ+ alɩwaatʋ ndʋ ŋwɛɣ ñɔɔsɩ taa,+ lɔkɔtʋ taa, nɛ alɩwaatʋ ndʋ ŋtɛɖɩɣ wondu kususutu nɛ ŋtɛɖɩɣ ɖɔɖɔ pɩtɩŋa yɔ. Ɛkaɣ tɩnʋʋ sʋʋtʋ ɖaʋ ŋgʋ palabɩnɩ ñɩɣtʋ yɔ ño-pondone yɔɔ nɛ pɩkɔɔ pɩtalɩ alɩwaatʋ ndʋ ɛɖɩzɩ-ŋ caɣ caɣ yɔ.

19 Nɛ ye pɔpɔzaa se: “Ɛbɛ yɔɔ ɖɛ-Ɛsɔ Yehowa labɩ-ɖʋ pɩtɩŋa payɩ mbʋ yɔ?” lɛ, pɩwɛɛ se ŋcosi-wɛ se: “Ɛzɩ ɩlɔʋ-m nɛ ɩsɛɛ agbaaɣdaa ɛsɔ mɩ-ɛjaɖɛ taa yɔ, mbʋ ɖɔɖɔ ɩkaɣ lɩm ɖʋʋ agbaaɣdaa mba, ɛjaɖɛ nɖɩ ɖɩtɩkɛ mɩ-ñɩnɖɛ yɔ ɖɩ-taa.”»+