• Izaayii 9:6, 7
    Bibl—Ɛjaɖɛ kɩfaɖɛ tɔm ɖɛzʋʋ

    •  6 Mbʋ pʋyɔɔ yɔ palʋlɩ-ɖʋ pɩɣa nakɛyɛ,+

      Paha-ɖʋ pɩyalʋ nɔɔyʋ;

      Nɛ kewiyitu tɔɔʋ* kaɣ caɣʋ ɛ-hazaɣ yɔɔ.+

      Pakaɣ-ɩ yaʋ se Lɔŋ Tasɩyʋ Kɩbanʋ,+ Ɛsɔ Ðoŋ Tʋ,+ Tamtam Caa, Laŋhɛzɩyɛ Awumbu.

       7 E-kewiyitu tɔɔʋ* kaɣ talʋʋ paa le

      Nɛ laŋhɛzɩyɛ ɛɛkaɣ wɛnʋʋ tɩnaɣ+

      Daviid kewiyaɣ kpelaɣ+ yɔɔ nɛ e-kewiyaɣ taa

      Se pɩsa nɛ ɛkam-kɛ camɩyɛ+ nɛ ɛɖɔkɩ-kɛ

      Pɩtɩŋnɩ mbʋ pɩtʋʋzaa yɔ+ pɩ-labʋ yɔɔ nɛ siɣsiɣ wɛtʋ+ yɔɔ

      Kpaɣnɩ lɛɛlɛɛyɔ nɛ pɩɖɛɛ tam tam.

      Yoyaa tɛ Yehowa kpekpeka kaɣnɩ labʋ mbʋ.

  • Izaayii 16:5
    Bibl—Ɛjaɖɛ kɩfaɖɛ tɔm ɖɛzʋʋ

    •  5 Ðɩnɛ ɛlɛ pakaɣ tɩŋnʋʋ sɔɔlɩm siɣsiɣ ñɩmbʋ yɔɔ nɛ paka kewiyaɣ kpelaɣ nakɛyɛ nɛ kɛcɛyɩsɩ camɩyɛ.

      Weyi ɛcakɩ kɔ-yɔɔ Daviid kizinziku tɛɛ yɔ, ɛkaɣ wɛʋ siɣsiɣ;+

      Ɛkaɣ tɔm hʋʋ siɣsiɣ nɛ ɛcɔnɩ tɔm ndʋ tɩwɛ siɣsiɣ yɔ ti-ɖeɖe lɛɛ lɛɛ.»+

  • Yereemii 23:5
    Bibl—Ɛjaɖɛ kɩfaɖɛ tɔm ɖɛzʋʋ

    • 5 «Ɩna! Kɩyakɩŋ ɖiɣni kɔm,» Yehowa yɔɔdʋʋna, «nɛ alɩwaatʋ ndʋ lɛ mankaɣ lɩzʋʋ Daviid lʋlʋʋ taa tʋ* siɣsiɣ tʋ nɔɔyʋ.+ Nɛ wiyaʋ nɔɔyʋ kaɣ kewiyitu tɔɔʋ+ nɛ ɛwɛɛnɩ lɛɣtʋ nɛ ɛñɔɔnɩ tɔm hʋʋ siɣsiɣ nɛ siɣsiɣ wɛtʋ ɛjaɖɛ taa.+

  • Ezekɩyɛɛlɩ 37:24, 25
    Bibl—Ɛjaɖɛ kɩfaɖɛ tɔm ɖɛzʋʋ

    • 24 «“‘Ma-lɩmɖʋyʋ Daviid kaɣnɩ kɛʋ pe-wiyaʋ,+ nɛ pa-tɩŋa pakaɣ wɛnʋʋ ninɖiɣyu kʋɖʋm.+ Pakaɣ ɖɔm mɔn-tɔm hʋʋ paɣtʋ yɔɔ nɛ paña man-paɣtʋ camɩyɛ.+ 25 Pakaɣ caɣʋ ɛjaɖɛ nɖɩ maacɛlɩ ma-lɩmɖʋyʋ Yakɔɔb yɔ ɖɩ-taa, ɖenɖe mɩ-cɔzɔnaa kaacaɣaa yɔ,+ nɛ pakaɣ caɣʋ ɖɩ-taa tam,+ pa nɛ pe-piya* nɛ pa-sayɩnaa;+ nɛ ma-lɩmɖʋyʋ Daviid kaɣnɩ kɛʋ pa-ñʋʋdʋ* tam.+

  • Zakarii 12:8
    Bibl—Ɛjaɖɛ kɩfaɖɛ tɔm ɖɛzʋʋ

    • 8 Puwiye lɛ, Yehowa kaɣ cɔʋ mba pɛwɛ Yeruzalɛm yɔ nɛ ɛta nɛ ɛlʋ pɔ-yɔɔ;+ weyi pituuluu-i* pɛ-hɛkʋ taa puwiye yɔ, ɛkaɣ wɛʋ ɛzɩ Daviid yɔ, nɛ Daviid ɖɩɣa kaɣ wɛʋ ɛzɩ Ɛsɔ yɔ, ɛzɩ Yehowa tiyiyu weyi ɛɖɛɣ-wɛ nɔɔ yɔ.+

  • Luka 1:31-33
    Bibl—Ɛjaɖɛ kɩfaɖɛ tɔm ɖɛzʋʋ

    • 31 Welisi! Ŋkaɣ haɣʋ hoɣa nɛ ŋlʋlɩ abalɩbɩɣa,+ nɛ pɩwɛɛ se ŋyaa-kɛ se Yesu.+ 32 Kakaɣ kɛʋ sɔsɔ+ nɛ pakaɣ-kɛ yaʋ se Kɩlɩm Pɩyalʋ,+ nɛ Ɛsɔ Yehowa* kaɣ-kɛ cɛlʋʋ ka-caa Daviid kewiyaɣ kpelaɣ,+ 33 nɛ kakaɣ tɔɔʋ kewiyitu Yakɔɔb ɖɩɣa yɔɔ tam tam, nɛ ke-Kewiyaɣ ɛɛkaɣ sɩʋ tɩnaɣ.»+