Izaayii
47 Tii nɛ ŋcaɣ mʋzʋʋ taa,
Oo Babilɔɔnɩ pɛlɛ weyi ɛtɩtɩlɩ abalʋ yɔ.+
Caɣ tataa ɖenɖe kewiyaɣ kpelaɣ nakɛyɛ fɛyɩ yɔ,+
Oo Kalɩdee mba pɛlɛ,
Mbʋ pʋyɔɔ yɔ ɛyaa ɩɩkaɣ-ŋ tasʋʋ yaʋ kpa se pɛlɛ nɛkɛ nɛkɛ nɛ weyi pɛhɛndɩɣnɩ-ɩ yɔ.
2 Kpaɣ nem nɛ ŋnaŋ mʋlʋm.
Kuli ñɛ-kɛdɛɛka.
Koti ño-toko, kuli ña-nɩŋgbanzɩ yɔɔ.
Tɛzɩ pɔsɩ.
3 Pɩkaɣ kuluu ña-ndaakpeɖe yɔɔ.
Pɩkaɣ naʋ ñɛ-fɛyɛ.
Mankaɣ kpaʋ kɩmɩyɛ,+ nɛ nɔɔyʋ ɛɛkaɣ-m ɖɩɣʋ nʋmɔʋ.*
5 Caɣ peeɖe tamɩyɛ nɛ ŋsʋʋ cɩkpɛndʋʋ taa,
Oo Kalɩdee mba pɛlɛ;+
Paakaɣ-ŋ tasʋʋ yaʋ se Kewiyisi Abiɖe.+
6 Man-taa wɩnɩ man-samaɣ.+
Ɛlɛ ŋtɩna pa-pʋtɔdɩyɛ.+
Halɩ pɩkpɛndɩnɩ akpadɩyaa, ŋtɩnɩ pɔ-yɔɔ sʋʋtʋ ɖaʋ yuŋ ñɩŋgʋ.+
7 Ŋyɔɔdaa se: «Paa ɛzɩmtaa lɛ mankaɣ kɛʋ Abiɖe, tam.»+
Ŋtɩkpaɣ tɔm ndʋ nɛ ŋlabɩnɩ tʋmɩyɛ;
Ŋtɩmaɣzɩ mbʋ pɩkaɣ tɛmnʋʋ yɔ pɩ-yɔɔ.
8 Lɛɛlɛɛyɔ welisi tɔm tʋnɛ, Oo ña weyi ŋsɔɔlɩ leleŋ nɩʋ yɔ,+
Weyi ɛcakɩ pɛɛyɛ taa yɔ, weyi ɛyɔɔdʋʋ tɔm tʋnɛ ɛ-laŋɩyɛ taa yɔ:
«Makpaɖɩna, nɛ nɔɔyʋ fɛyɩ nɛ pɩtasɩnɩ-m.+
Maakaɣ pɩsʋʋ lelu.
Maakaɣ lesuu men-piya kaaʋ.»+
9 Ɛlɛ, pʋnɛ pɩ-naalɛ pɩkaɣ ñɔ-yɔɔ kɔm tuda, kɩyakʋ kʋɖʋmʋʋ:+
Ŋkaɣ lesuu ñe-piya nɛ ŋpɩsɩ ɖɔɖɔ lelu.
Ñe-efeletu lakasɩ sakɩyɛ nɛ ña-fadɩŋ lakasɩ ɖoŋ ñɩnzɩ kpeekpe yɔɔ lɛ,*+
Asɛyɩŋ ɛnɛ ɩkaɣ ñɔ-yɔɔ kɔm nɛ i-ɖoŋ kpeekpe.+
10 Ŋta liu ña-kañatʋ lakasɩ.
Ŋyɔɔdaa se: «Nɔɔyʋ ɛɛnaɣ-m.»
Ñɔ-lɔŋsɩnɖɛ nɛ ña-sɩmtʋ pelesini-ŋ,
Nɛ ŋyɔɔdʋʋ ña-laŋɩyɛ taa se: «Makpaɖɩna, nɛ nɔɔyʋ fɛyɩ nɛ pɩtasɩnɩ-m.»
11 Ɛlɛ asɛyʋʋ kaɣ ñɔ-yɔɔ kɔm,
Nɛ ña-fadɩŋ taa, nakʋyʋ ɛɛkaɣ-kʋ sɩnzʋʋ,*
Kʋñɔŋ kaɣ kɔm ñɔ-yɔɔ; ŋŋkaɣ pɩzʋʋ nɛ ŋɖɩɣ-kʋ nʋmɔʋ.
Ðɩzʋʋ kaɣ kɔm ñɔ-yɔɔ tuda, wiɖiyi ŋtɩnatɩ-pʋ nɛ ŋna.+
12 Ye mbʋ, wolo ña-fadɩŋ lakasɩ nɛ ñe-efeletu lakasɩ sakɩyɛ labʋ yɔɔ,+
Nzɩ ŋwɛɛ nɛ ŋyɔkʋʋ ña-ñʋʋ sɩ-yɔɔ kpaɣnɩ ɖooo ñɛ-pɛlɛtʋ taa yɔ.
Pʋtɔma pɩpɩzɩɣ nɛ pɩwazɩ-ŋ;
Pʋtɔma ŋpɩzɩɣ ŋyele nɛ sɔɔndʋ kpa ɛyaa.
13 Ñɔ-lɔŋ tasɩyaa ɖɔ sakɩyɛ nɛ pɔ-tɔm nɩ-ŋ.
Pakʋyɩ lɛɛlɛɛyɔ nɛ paya ña-ñʋʋ,
Mba pɛsɛɣ ɛsɔdaa yɔ,* mba pɔcɔŋnɩ tɩɩnzɩ cuɖuɖu yɔ,+
Mba pɔyɔɔdʋʋ fenasɩ kɩfasɩ alɩwaatʋ taa
Mbʋ pɩkaɣ-ŋ talʋʋ yɔ.
14 Ɩna! Pɛwɛ ɛzɩ kesi yɔ.
Miŋ kaɣ-wɛ ñaɣʋ.
Paapɩzɩɣ nɛ paya pa-maɣmaɣ* pa-ñʋʋ miŋ nzʋlʋma ɖoŋ nɔɔ taa.
Atɩkɛ miŋ mamala wena pohoyuu yɔ,
Nɛ pɩtɩkɛ miŋ weyi pacakɩ ɩ-ɛsɩndaa yɔ.
15 Mbʋ ña-fadɩŋ hɔkɩyaa kaɣ-ŋ kɛʋ,
Mba ña nɛ wɛ ɩyɔkɩ mɩ-ñʋŋ kpaɣnɩ ɖooo ñɛ-pɛlɛtʋ taa yɔ.
Pakaɣ yotuu, paa weyi lɛ ɛ nɛ ɛ-nʋmɔʋ.*
Nɔɔyʋ ɛɛkaɣ wɛʋ se ɛya ña-ñʋʋ.+