Mikee
2 «Pɩtɔɔ mba paɖʋʋ pa-taa se palakɩ kɩdɛkɛdɩm yɔ,
Mba pamaɣzɩɣ mbʋ pɩfɛyɩ ɖeu yɔ pɩ-labʋ yɔɔ pa-kaɖʋnaa yɔɔ yɔ!
Alɩwaatʋ ndʋ tanaŋ tɛɛ ñalɩmɩyɛ lɩɣ yɔ, mbʋ palakɩ ɖɔɖɔ;
Mbʋ pʋyɔɔ yɔ pɛwɛnɩ ɖoŋ se pala mbʋ.+
2 Pe-liu tɛɛ kɔtʋʋnɩ hayɩm nɛ pamʋʋ-pʋ nɛ ɖoŋ;+
Pe-liu tɛɛ kɔtʋʋnɩ ɖɩsɩ ɖɔɖɔ, nɛ pamʋʋ-sɩ;
Pomuluu ɛyʋ nɛ pamʋʋ ɛ-ɖɩɣa,+
Pomuluu ɛyʋ nɛ pamʋʋ ɛ-ñɩm.
3 Pʋyɔɔ lɛ, tɔm tʋnɛ Yehowa yɔɔdʋʋ:
“Na, menɖiɣni maɣzʋʋ se mɔnkɔŋnɩ hɔʋ kʋnɛ kɩ-yɔɔ asɛyʋʋ nakʋyʋ,+ ŋgʋ kɩ-taa ɩɩkaɣ lɩʋ* yɔ.+
Ɩɩkaɣ tasʋʋ ɖɔm nɛ tɩ kpazʋʋ,+ mbʋ pʋyɔɔ yɔ pɩkɛ asɛyʋʋ alɩwaatʋ.+
4 Kɩyakʋ ŋgʋ ki-wiye, ɛyaa kaɣ-mɩ tuuu eduuye naɖɩyɛ,
Nɛ pakaɣ wiu mɩ-yɔɔ siŋŋ.+
Pakaɣ yɔɔdʋʋ se: ‘Paɖɩzɩ-ɖʋ caɣ caɣ!+
Eyeba nɛ mbʋ pɩkɛ man-samaɣ pʋyʋ yɔ pɩkɛɛ lalaa nesi tɛɛ—ɛmʋ-pʋ mɔn-cɔlɔ kpem!+
Ɛkpaɣ ɖa-hayɩm nɛ ɛcɛlɩ weyi ɛfɛyɩ siɣsiɣ yɔ.’
5 Pʋyɔɔ lɛ, ŋŋkaɣ nɔɔyʋ wɛnʋʋ se eposi nimaɣ ŋga pamaɣzɩɣna yɔ,
Se ɛtayɩ tɛtʋ Yehowa ɛgbɛyɛ taa.
6 Posusuu se: ‘Iyele tɔm susuu!
Pɩtɩpɔzɩ se posusi tɔm ndʋ;
Fɛyɛ ɛɛkaɣ-ɖʋ kpaʋ!’
7 Oo Yakɔɔb ɖɩɣa, ɛzɩ pɛwɛɛ nɛ pɔyɔɔdʋʋ se:
‘Ɛzɩ Yehowa fezuu tɩtasɩ wɛʋ suuɖu yaa we?
Ɛzɩ ɛ-lakasɩ lɛ?’
Ɛzɩ ma-maɣmaɣ mɔn-tɔm ɛɛkɔŋnɩ kɩbandʋ mba pɔɖɔŋ ɖɔnɛ nɖɩ ɖɩtʋʋzaa yɔ?
8 Ɛlɛ pitileɖi yɔ, man-samaɣ maɣmaɣ kʋyaa nɛ kapɩsɩ koyindu.
Ɩhɔzʋʋ kaɣlaa ajana wondu kɩbandʋ nɛ toko*
Mba pɛɖɛɣ kaalɛyɩtʋ yɔ pɔ-yɔɔ, ɛzɩ mba palɩnɩ you nɛ papɩsɩɣ yɔ.
9 Ɩɖɔɔnʋʋ man-samaɣ taa halaa pa-ɖɩsɩ kɩbanzɩ taa;
Ɩlɩzɩɣ pe-piya yɔɔ men-keɖeɣa tam tam.
10 Ɩkʋyɩ nɛ ɩɖɛɛ, mbʋ pʋyɔɔ yɔ pɩtɩkɛ ɖɩhɛzɩyɛ lone yɔ.
Azuluma lakasɩ yɔɔ lɛ,+ ɖɩzʋʋ wɛɛ, ɖɩzʋʋ sɔsɔm.+
11 Ye ɛyʋ nɔɔyʋ ɛɖʋʋ helim nɛ cɛtɩm pa-wayɩ nɛ ɛyɔɔdʋʋ cɛtɩm tɔm tʋnɛ:
‘Mankaɣ-ŋ susuu vɛɛ nɛ sʋlʋm kɩbɩbɩm pɔ-yɔɔ tɔm’ yɔ,
Ðɩnɛ ɛlɛ ɛnʋ kaɣnɩ kɛʋ samaɣ kanɛ kɔ-tɔm susuyu!+
12 Pɩtʋʋ fɛyɩ se mankaɣ ña-tɩŋa kpeɣluu, Oo Yakɔɔb;
Pɩtʋʋ fɛyɩ se mankaɣ kpeɣluu Izrayɛɛlɩ taa ñɩma mba pɩkazaa yɔ.+
Mankaɣ-wɛ kpeɣluu nɔɔ kʋɖʋmaɣ taa, ɛzɩ heŋ wɛʋ kalakʋ taa yɔ,
Ɛzɩ ewiɖe naɖɩyɛ wɛʋ ɖɩ-ñɩtʋ ɖɩdɔɔyɛ taa yɔ;+
Ɛyaa kɔkɔɖɛ kaɣ wɛʋ peeɖe.”+
13 Weyi ɛtʋlʋʋ koloŋa pɔʋ yɔ, ɛkaɣ wɛʋ pɛ-ɛsɩndaa;
Pakaɣ tʋlʋʋ koloŋa pɔʋ nɛ patɩŋnɩ nɔnɔɔ nɛ palɩɩ.+
Pe-wiyaʋ kaɣ tɩŋnʋʋ ka-taa nɛ ɛɖɛɛ pɔ-nɔɔ,
Nɛ Yehowa kɛ pa-ñʋʋdʋ.»+