Ɛsɔ Taabalaa Kaɣ Caɣʋ Paradisuu Taa

Paradisuu ɛɛkaɣ wɛʋ ɛzɩ ɛjaɖɛ nɖɩ ɖɩwɛ ɖɩ-taa lɛɛlɛɛyɔ yɔ. Ɛsɔ taasɔɔlɩ se tɩlasɩ, laŋwɛɛkɩyɛ, wɩzasɩ nɛ kʋñɔŋ pɔɖɔɔ ɛjaɖɛ yɔɔ. Cee wayɩ, Ɛsɔ kaɣ labʋ tɛtʋ nɛ tɩpɩsɩ paradisuu. Ɛzɩma pɩkaɣ wɛʋ Paradisuu taa? Ðɩkalɩ ndʋ Bibl yɔɔdʋʋ yɔ:

Ɛyaa kɩbama. Paradisuu kaɣ kɛʋ Ɛsɔ taabalaa ɖɩɣa. Pakaɣ ɖama camɩyɛ lakasɩ labʋ. Pakaɣ caɣʋ wezuu ŋgʋ kɩtʋʋzɩ Ɛsɔ ɛzɩdaa yɔ.—Atuɣa 2:21.

Tɔɔnasɩ kaɣ tɔyʋʋ. Paradisuu taa ñɔɔsɩ ɛɛkaɣ wɛʋ. Bibl tɔŋ se: “Tɔɔnasɩ ɩtɔyɩ ɛjaɖɛ taa.”—Keɣa 71:16.

Ðɩsɩ kɩbanzɩ nɛ tʋmɩyɛ kɩbanɖɛ. Paradisuu taa, paa hɔʋ ŋgʋ kɩwɛɣnɩ kɩ-maɣmaɣ kɩ-ɖɩɣa. Paa anɩ ɛkaɣ labʋ tʋmɩyɛ nɛ ɖɩha-ɩ koboyaɣ siŋŋ.—Izayii 65:21-23.

Laŋhɛzɩyɛ ɛjaɖɛ kpeekpe yɔɔ. You ɛɛtasɩɣ wɛʋ nɛ nɔɔyʋ ɛɛtasɩɣ sɩbʋ you taa. Ɛsɔtɔm tɔŋ se: “[Ɛsɔ] sɩnzɩ yoŋ tɩŋa.”—Keɣa 45:9, 10.

Alaafɩya. Bibl yɔɔdɩ se: “Tɛtʋ [Paradisuu] taa ɛyʋ nɔɔyʋ ɛɛkaɣ tɔm se: ‘Pɩwɩɣ-m.’” (Izayii 33:24) Pɩtasɩ lɛ, nɔɔyʋ ɛɛkaɣ kɛʋ kaakalaɣ yaa yʋlʋm yaa tandam yaa kaayɔɔdaɣ.—Izayii 35:5, 6.

Wɩzasɩ, laŋwɛɛkɩyɛ nɛ sɩm sɩ tɩnaɣ. Ɛsɔtɔm tɔŋ se: “Sɩm ɛɛtasɩɣ wɛʋ, nɛ paatasɩɣ wiu, paatasɩɣ kubusi mabʋ, kʋñɔŋ ɛɛtasɩɣ wɛʋ, mbʋ pʋyɔɔ yɔ ɛjaɖɛ kɩbɩnɖɛ ɖɛwa.”—Natʋ 21:4.

Ɛyaa kɩdɛkɛdaa ɩɩtasɩɣ wɛʋ. Yehowa ha-ɖʋ lidaʋ se: “Kañatʋ tɩnaa kaɣ lebu tɛtʋ yɔɔ nɛ mba palakɩ kʋzɔɔtʋ yɔ, pakaɣ-wɛ kʋsʋʋ tɩ-yɔɔ.”—Atuɣa 2:22.

Sɔɔlɩm nɛ ñamtʋ kaɣ wɛʋ ɛyaa hɛkʋ taa. Mulum, ɛyaa nazʋʋ, ɛza naɣ naɣ nɛ koyindiye ɩɩtasɩɣ wɛʋ. Ɛyaa kaɣ wɛʋ nɔɔ kʋɖʋmaɣ, nɛ pakaɣ ɖɔm Ɛsɔ paɣtʋ yɔɔ.—Izayii 26:9.