Mbʋ pɩwɩlɩɣ kpayɩ kpayɩ se Yehowa wazɩɣ ɛ-samaɣ yɔ

8:6-9, 12; 9:1-5, 23, 24

Yehowa kaayeba nɛ miŋ tii nɛ pɩñaɣ kajalaɣ kɩlaʋ kɩñaɣzʋʋ ŋgʋ Aarɔɔnɩ liɖe taa cɔjɔnaa kaalawa yɔ. Paalɩzɩ cɔjɔnaa mba kɩlɩzʋ. Pɩɩwɩlɩ kpayɩ kpayɩ se ɖʋtʋ ndʋ tɩɩkɛdɩnɩ Yehowa. Pʋwayɩ lɛ, Yehowa seɣti Izrayɛɛlɩ samaɣ ŋga kaakpeɣli peeɖe yɔ se kaɖʋ nesi cɔjɔnaa ɛzɩ pɩpɔzʋʋ yɔ. Sɔnɔ, Yesu weyi ɛsɩba nɛ pefezi-i yɔ, ɛnʋ kɛnɩnɩ Cɔjɔ Kɩlɩm. (Ebr 9:11, 12) Pɩnaɣ 1919 taa, Yesu lɩzɩ patam numwaa nabɛyɛ cabɩ se pɛkɛ “yom siɣsiɣ tʋ nɛ lɔŋsɩnɖʋ.“ (Mt 24:45) Ɛbɛ wɩlɩɣ kpayɩ kpayɩ se ɖʋtʋ ndʋ tɩkɛdɩnɩ Yehowa nɛ ɛɖʋʋ nesi yom ɛnʋ?

• Paa yom siɣsiɣ tʋ ɛkatɩ nazɩm nɛ kala sakɩyɛ yɔ, ɛpɩzaa nɛ ewolo pɩ-yɔɔ nɛ ɛhaɣ-ɖʋ fezuu taa tɔɔnaɣ se pɩsa nɛ ɖɩcɛyɩsɩ fezuu taa

• Ɛzɩ Bibl kaayɔɔdʋʋ yɔ, pɛwɛɛ nɛ posusuu tɔm kɩbandʋ “tɛtʋ kpeekpe yɔɔ.”—Mt 24:14

Ɛzɩma ɖɩpɩzɩɣ nɛ ɖɩɖʋ nesi yom siɣsiɣ tʋ nɛ lɔŋsɩnɖʋ?