Ɛsɔ nɛ Yesu pakaɣ-ɖʋ sɩnʋʋ nɛ ɖihiɣ tɩ-yɔɔ wɛʋ cee wayɩ

Kaɖɛ nɖɩ ŋwɛɛ nɛ ŋlʋkɩnɩ paa evemiye nɖɩ? Ŋkɛ hɔʋ caja weyi ɛwɛnɩ sʋʋtʋ sakɩyɛ yɔ? Ŋkɛ lʋlɩyʋ weyi ɛwɛ e-ɖeke nɛ ɛñakɩ pana se ɛcɔnɩ ɛ-hɔʋ kɩcɛyɩm ɖeɖe yɔ? Ŋkɛ pɩɣa evelaɣ ŋga ko-sukuli taa taabalaa nazɩɣ-kɛ yɔ? Ŋwɛɛ nɛ ŋlʋkɩnɩ tomnaɣ yɔɔ kʋdɔŋ nakʋyʋ yaa akpadɩyɩtʋ na? Paa weyi, ɛkatɩɣ kaɖɛ naɖɩyɛ. Halɩ Krɩstʋ ñɩma sakɩyɛ lʋkɩnɩ kala sakɩyɛ alɩwaatʋ kʋɖʋmtʋ taa. Ɛlɛ ɖɩnawa se piileɖiɣ lɛ, ɖɩlɩɣ kala ana a-tɩŋa a-yomiye taa.—2Kɔ 4:16-18.

Ɛlɛ pʋcɔ nɛ pɩtalɩ mbʋ lɛ, ɖɩpɩzɩɣ nɛ ɖihiɣ laŋɩyɛ hɛzʋʋ ye ɖɩtɔzʋʋ se Yehowa nɩɣ mbʋ pɩ-taa ɖɩwɛɛ yɔ pɩ-taa, ɛsɔɔlɩ ɖɔ-tɔm ɖe-siɣsiɣ wɛtʋ yɔɔ nɛ ɛñɔɔzɩ wazasɩ sakɩyɛ nɛ ɛsɩɩ-ɖʋ yɔ. (Yer 29:11, 12) Yesu ɖɔɖɔ maɣzɩɣ ɖɔ-yɔɔ siŋŋ. Ɛha-ɖʋ lidaʋ se ɖɩɩlakɩ Krɩstʋ ñɩma tʋma lɛ, ɛnʋ ‘wɛɣ ɖɔ-cɔlɔ.’ (Mt 28:20) Ye ɖɩkpakɩɣ alɩwaatʋ nɛ ɖɩmaɣzɩɣ pɛɛyɛ nɖɩ ɖɩkaɣ hiɣu Ɛsɔ Kewiyaɣ tɛɛ yɔ, ɖɩ-yɔɔ yɔ, pɩcɛyɩsɩɣ ɖe-lidaʋ nɛ pɩkpazɩ-ɖʋ ɖoŋ nɛ ɖɩɖɔkɩ kpam kala taa.—Rom 8:19-21.

CƆNƖ VIDEO HELIM SƆSƆM ÐIƔNI KƆM YƆ, ƖKA MƖ-ƐSA YESU YƆƆ!—MBƲ PƖKƆŊ YƆ, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Ɛzɩma ɛyaa posi pa-tɩ nɛ Ɛsɔ nɛ pee wena pɩlʋlaa?

• Mba pɛwɛ siɣsiɣ Yehowa ɛsɩndaa yɔ, ɛbɛ ɖaŋ-wɛ cee wayɩ?

• Ɛbɛ kaɣ yebu nɛ ɖihiɣ cee wayɩ wazasɩ kɩbanzɩ nzɩ?

• Wazasɩ nzɩ ɖɩkaɣ hiɣu ɛjaɖɛ kɩfaɖɛ taa yɔ, sɩ-taa nzɩ ŋɖaŋ kpam?