CAƔ WEZUU ƐZƖ KRƖSTƲ TƲ YƆ
Ŋɖaŋɩɣ se pocosi ña-adɩma yɔɔ?
Ðɩnaɣ Bibl taa adɩma sakɩyɛ wena ɛyaa laba nɛ Yehowa cosi a-yɔɔ yɔ. Alɩwaatʋ ndʋ Yehowa sɛyaa naɣ ɛzɩma ewelisiɣni-wɛ, ɛcɔŋnɩ pa-kɩcɛyɩm ɖeɖe yɔ, pɩtʋʋ fɛyɩ se pɩkpazɩɣ pe-tisuu ɖoŋ. Pʋyɔɔ lɛ pɩwɛɣ ɖeu se ɖɩyɔɔdɩ mbʋ pɩcɛyɩɣ-ɖʋ keekee yɔ pɩ-tɔm ɖa-adɩma taa nɛ ɖɩñaɣ pana nɛ ɖɩna ɛzɩma Yehowa cosuu-ɖʋ yɔ. Tɔzɩ se ɛzɩma ɛkaɣ cosuu ɖa-adɩma yɔɔ yɔ, pɩpɩzɩɣ nɛ pɩwɛ nɖɩ nɛ mbʋ ɖɩpɔzaa yɔ. (2Kɔ 12:7-9; Efɛ 3:20) Ɛbɛ Yehowa pɩzɩɣ nɛ ɛha-ɖʋ alɩwaatʋ ndʋ ecosuu ɖa-adɩma yɔɔ yɔ?
Ɛpɩzɩɣ nɛ ɛha-ɖʋ tomnaɣ yɔɔ, lɩmaɣza taa yaa fezuu taa ɖoŋ se ɖɩlʋbɩnɩ kaɖɛ nɖɩ ɖɩkatɩɣ yɔ.—Fil 4:13
Ɛpɩzɩɣ nɛ ɛha-ɖʋ lɔŋsɩnɖɛ nɛ ɖɩkpaɣ lɩmaɣza camɩyɛ.—Yak 1:5
Ɛpɩzɩɣ nɛ eyele nɛ ɖɩsɔɔlɩ nɛ ɖɩwɛɛnɩ ɖoŋ nɛ ɖɩla mbʋ pɩpɔzʋʋ yɔ.—Fil 2:13
Ɛpɩzɩɣ nɛ ɛha-ɖʋ laŋɩyɛ hɛzʋʋ alɩwaatʋ ndʋ ɖɩwɛ nɩɣzɛ taa yɔ.—Fil 4:6, 7
Ɛpɩzɩɣ nɛ eyele nɛ lalaa kpazɩ-ɖʋ ɖoŋ nɛ pɛhɛzɩ ɖa-laŋa.—1Yo 3:17, 18
CƆNƖ VIDEO YEHOWA KƐ “ADƖMA WELISIYU” NƐ PƲWAYƖ LƐ ŊCOSI TƆM TƲNƐ TƖ-YƆƆ:
Ɛzɩma Koobu Shimizu kɩɖaʋ kpazɩɣ-ɖʋ ɖoŋ ye kʋdɔŋ nakʋyʋ eyeba nɛ pɩcamɩ-ɖʋ tomnaɣ yɔɔ yɔ?
Ɛzɩma ɖɩpɩzɩɣ nɛ ɖɩmaɣzɩnɩ Koobu Shimizu kɩɖaʋ?