Heyiɣ lalaa ndʋ ŋkpɛlɩkɩɣ yɔ tɩ-tɔm

Alɩwaatʋ ndʋ ɖɩkpɛlɩkɩɣ Bibl yɔ, pɩkpazɩɣ-ɖʋ ɖoŋ. Ɛlɛ ye ɖiheyiɣ lalaa ndʋ ɖɩkpɛlɩkɩɣ yɔ tɩ-tɔm yɔ, pɩkpazɩɣ-ɖʋ ɖoŋ nɛ pɩkɩlɩ. Aduwa 11:25 yɔɔdʋʋ se: «Weyi ɛhaɣ lalaa lɩm nɛ ɛkʋʋnɩ pɔ-lɔkɔtʋ yɔ, pakaɣ ɛ-lɔkɔtʋ kʋʋ ɖɔɖɔ.»

Ye ɖiheyiɣ lalaa ndʋ ɖɩkpɛlɩkɩɣ yɔ tɩ-tɔm yɔ, pɩsɩɣnɩ-ɖʋ nɛ ɖɩtɔzɩ ndʋ ɖɩkpɛlɩkaa yɔ tɩ-yɔɔ kɛlɛʋ nɛ pɩkɩlɩ, nɛ piyeki nɛ ɖɩnɩɩ tɩ-taa nɛ pɩkɩlɩ. Pɩtasɩ lɛ, fezuu taa ñɩm mbʋ pɩ-yɔɔ ɖɩlɩɣ yɔ pɩpɩzɩɣ nɛ pɩwazɩ ɛyaa lalaa, pʋyɔɔ lɛ ɖa-taa lakɩ leleŋ se ɖiheyi-wɛ pɩ-tɔm.—Tʋma 20:35.

Ðɔ lɔŋ tasʋʋ pʋnɛ pɩ-yɔɔ: Kpɩtaʋ ŋgʋ kɩkɔŋ yɔ kɩ-taa, ñɩnɩ waɖɛ naɖɩyɛ nɛ ŋheyi nɔɔyʋ ndʋ ŋkpɛlɩkaa yɔ tɩ-tɔm. Ŋpɩzɩɣ nɛ ŋheyi-tʋ ñɔ-hɔʋ taa tʋ nɔɔyʋ, ñɛ-ɛgbɛyɛ taa koobu nɔɔyʋ, ña-tʋmɩyɛ taa taabalʋ nɔɔyʋ, ño-sukuli taa taabalʋ nɔɔyʋ, ñɔ-cɔlɔ tʋ nɔɔyʋ yaa ɛyʋ weyi ŋkatɩ tɔm susuu taa yɔ. Yɔɔdɩ-tʋ kɛlɛʋ nɛ ña-maɣmaɣ ñɔ-tɔm pee nɛ tɩ-taa tʋ kpayɩ kpayɩ.

Tɔzɩ tɔm tʋnɛ tɩ-yɔɔ: Ŋŋheyiɣ lalaa ndʋ ŋkpɛlɩkɩɣ yɔ tɩ-tɔm lɛ, ña-kaɖʋwa ɛkɛna se ŋkpazɩɣ-wɛ ɖoŋ, ɛlɛ pɩtaakɛna se ŋcaɣ se ŋwɩlɩ ña-tɩ.—1 Kɔr. 8:1.