B1
Ɛbɛ tɔm Bibl yɔɔdʋʋ?
Ɛsɔ Yehowa wɛnɩnɩ waɖɛ se ɛtɔɔ kewiyitu. E-kewiyitu tɔɔʋ kpaɖɩnɩ ɖeu. Kaɖʋwa ŋga ɛwɛnɩ tɛtʋ yɔɔ nɛ ɛyaa yɔɔ yɔ kakaɣ labʋ.
Pɩnaɣ 4026 P.P.Y. wayɩ «Ðʋm» kaɖɩnɩ waɖɛ nɖɩ Yehowa wɛna se ɛtɔɔ kewiyitu yɔ nɛ ɛzɩma ɛtɔkɩ-tʋ yɔ. Yehowa labɩ tamaɣ se ɛkʋsʋʋ «ɖomaɣ» nakɛyɛ, nɛ kakaɣ tɔyɩtʋʋ ɖʋm, pʋ-tɔbʋʋ se Sataŋ. (Kiɖe Tɛɛ Tɔm 3:1-5, 15, pɩ-tɛɛ tɔm) Ɛlɛ Yehowa ha ɛyaa alɩwaatʋ se pɛwɛɛ ɖʋm ɛnʋ e-ɖoŋ tɛɛ nɛ peɖiyi pa-tɩ. |
Pɩnaɣ 1943 P.P.Y. Yehowa heyi Abraham se «ɖomaɣ» ŋga ka-tamaɣ ɛɛlaba yɔ, kakaɣ lɩnʋʋ ɛ-lʋlʋʋ taa mba taa.—Kiɖe Tɛɛ Tɔm 22:18, pɩ-tɛɛ tɔm. |
Pɩnaɣ 1070 P.P.Y. wayɩ Yehowa heyi Daviid nɛ pʋwayɩ lɛ ɛ-pɩyalʋ Salomɔɔ se paa pɩɩkpawa nɛ pitii yɔ, «ɖomaɣ» ŋga ka-tamaɣ ɛɛlaba yɔ, kakaɣ lɩnʋʋ pa-lʋlʋʋ taa mba taa.—2 Samɩyɛɛlɩ 7:12, 16, pɩ-tɛɛ tɔm; 1 Awiya 9:3-5; Izaayii 9:6, 7. |
Pɩnaɣ 29 Y.L.W. Yehowa lɩzaa nɛ ɛwɩlɩ se Yesu kɛnɩ «ɖomaɣ» ŋga ka-tamaɣ ɛɛlaba yɔ, ŋga kakaɣ mʋʋ Daviid kewiyaɣ kpelaɣ yɔ.—Galaatii mba 3:16, pɩ-tɛɛ tɔm; Luka 1:31-33; 3:21, 22. |
Pɩnaɣ 33 Y.L.W. Ðʋm, pʋ-tɔbʋʋ se Sataŋ camɩ «ɖomaɣ» ŋga alɩwaatʋ pazɩ, mbʋ pʋyɔɔ yɔ eyeba nɛ pakʋ Yesu. Yehowa fezi Yesu nɛ sɩɖaa taa nɛ ɛkpa ɛsɔdaa nɛ Yehowa tisi nɛ ɛmʋ Yesu wezuu ŋgʋ kɩtalɩ pilim yɔ kɩ-wazaɣ. Piyeba nɛ pɩha Aɖam lʋlʋʋ taa mba waɖɛ se pekpeɣ-wɛ pa-kɩwɛɛkɩm nɛ pehiɣ tamtam wezuu.—Kiɖe Tɛɛ Tɔm 3:15, pɩ-tɛɛ tɔm; Tʋma Labʋ 2:32-36; 1 Kɔrɛntɩ mba 15:21, 22. |
Pɩnaɣ 1914 taa mbʋ yɔ Y.L.W. Yesu tuzi ɖʋm, pʋ-tɔbʋʋ se Sataŋ nɛ ɛpɛɖɩ-ɩ tɛtʋ yɔɔ se ɛwɛɛ tɩ-yɔɔ alɩwaatʋ pazɩ.—Natʋ 12:7-9, 12. |
Cee wayɩ Yesu ɖɩkɩ Sataŋ pɩnzɩ 1 000 nɛ pʋwayɩ lɛ ɛɖɩzɩ-ɩ nɛ pɩwɩlɩ se ɛtɔyɩtɩ ɛ-ñʋʋ. Ðɩnɛ ɛlɛ (1) kaɖʋwa ŋga Yehowa kaawɛnɩ tɛtʋ nɛ ɛyaa yɔɔ kiɖe tɛɛ yɔ kalakɩ, (2) Yehowa ñalɩɣ ɛ-hɩɖɛ nɖɩ pepisaa yɔ ɖɩ-yɔɔ nɛ (3) ɛwɩlɩɣ se ɛnʋ Yehowa pɩmʋnaa se ɛtɔɔ kewiyitu.—Natʋ 20:1-3, 10; 21:3, 4. |