Yehowa ha-ɖʋ Ñʋʋyaɖʋ

29 Fezuu taa kaɣcaɣlaɣ ɛyʋ weyi Ɛsɔ laba yɔ, ɛɛwɛ-ɩ ɛzɩ ɛ-pɩɣa abalɩpɩɣa kaɣcaɣlaɣ ñɩŋga yɔ.

Ɛsɔ sɔɔla-ɩ pɩŋŋ, nɛ ɛ-yɔɔ ɛkaɣ tɩŋnaʋ nɛ ɛɖɩzɩ ɛyaa kɩdɛkɛdaa, nɛ ɛya mba pañaŋgɩ-ɩ yɔ pa-ñʋʋ.—Yohanɛsɩ 3:16, 36

30 Yehowa tiyi ɛ-pɩyalʋ se palʋlɩ-ɩ tɛtʋ yɔɔ. Payaa-ɩ se Yeesu. E-ɖoo hɩɖɛ lɛ Maarɩɩ.—Lukas 1:30-35

31 Yeesu kɔma ɛpaɣlɩ lɛ, ɛwɩlɩ kɩbam sakɩyɛ. Ɛwɩlaa se Yehowa ɖeke kɛna Ɛsɔ toovenim tʋ.—Markɩ 12:29, 30

Yeesu tɔm se ɖɩsɛɛ Yehowa ɖeke.—Matiyee 4:10; Yohanɛsɩ 4:23, 24

Ɛwɩlɩ ɛyaa Yehowa kewiyaɣ tɔm ɖɔɖɔ.—Lukas 17:20, 21

32 Yeesu wazɩ kʋdɔndɩnaa nɛ ɛla kɩbam sakɩyɛ. Ɛdala kɩdɛkɛdɩm nabʋyʋ.—Tʋmalabʋ 10:38; Petro I, 2:21, 22

Ɛlɛ ɛzɩma ɛkaɣ ɖa-ñʋʋ yabʋ kɩdɛkɛdɩm nɛ sɩm pa-taa?

33 Pʋwɛɛ se ɛlaa kɩlaʋ Ɛsɔ, nɛ ɛya ɛyaa kɩbama ñʋŋ. Caanaʋ taa lɛ, Ɛsɔ keheyi ɛyaa se palaa kpɩna pa-kɩdɛkɛdɩm yɔɔ.—Hebriñɩma 7:25, 27

34 Yeesu talaa kpɩna. Ɛkpaɣ ɛdɩ ɛlaa kɩlaʋ ɖɔ-yɔɔ.—Matiyee 20:28; Hebriñɩma 10:12

Ŋna mbʋ pʋ-yɔɔ yɔ?