Ɛsɔ Taabalaa Seɣ Kɩdɛkɛdɩm

Sataŋ tuzuuni ɛyaa se pala kɩdɛkɛdɩm. Ɛyʋ weyi ɛñɩnɩɣ se ɛkɛ Ɛsɔ taabalʋ yɔ, pʋmʋnaa ese mbʋ Yehowa ɛɛnaɣnɩ ɛzɩyɛ yɔ. (Keɣa 96:10) Ɛsɔ taabalaa ɩɩlakɩ lakasɩ nzɩ yɔ, sɩ-taa nasɩyɩ yɔ:

Kʋzʋʋ kɩdɛkɛdʋʋ. “Taala acɛyɛ.” (Egipiti Lɩʋ 20:14) Ye nabɛyɛ ɩsʋnɩ ɖama nɛ pʋcɔ pɔɖɔkɩ nesi kɔyɔ, palaba kɩwɛɛkɩm ɖɔɖɔ.—1 Kɔrɛntɩ 6:18.

Sʋlʋm kpaŋʋʋ. “Sʋlʋm ñɔɔyɩŋ [sʋlʋm kpaŋɩyaa] . . . ɩɩkaɣ sʋʋ Ɛsɔdaa kewiyaɣ taa.”—1 Kɔrɛntɩ 6:10.

Ɛyaa kʋʋ, hɔsɩ lɩzʋʋ. “Taakʋ ɛyʋ.”—Egipiti Lɩʋ 20:13.

Mɩlɩm. “Taamɩlɩ.”—Egipiti Lɩʋ 20:15.

Cɛtɩm. Yehowa ɛɛnaɣ “ŋzʋlʋmɩyɛ kɩcɛtɩyɛ” nɛ ɛzɩyɛ.—Atuɣa 6:17.

Puuyaɣ nɛ pana kpaɣʋ yem yem. “Kɩbaɣlʋ [Yehowa] takatɩ weyi ɛwɛ puuyaɣ yɔ.” (Keɣa 10:5) “Piyele pasɩma tomnaɣ lakasɩ, nzɩ yɔ . . . pana.”—Galaatɩ 5:19, 20.

Tɔmbolaa. “Ise weyi . . . ɛkɛ . . . ɛzɩyɛ ɖʋyʋ yɔ.”—1 Kɔrɛntɩ 5:11.

Tɛtɛ pɛŋʋʋ mba pɔ-tɔnʋʋ tɔlɩm yaa pa-kʋnʋŋ wɛ ndɩ yɔ. “Ɩsɔɔlɩ mi-koyindinaa nɛ ɩtɩmɩ mba palɩɣ mɩ-wayɩ nɛ pɛcɛtɩɣ mɩ-yɔɔ tɔm yɔ, pɔ-yɔɔ.”—Maatiyee 5:43, 44.

Mbʋ mbʋ Ɛsɔ wɩlɩɣ-ɖʋ yɔ, ɖa pɩwazɩɣ. Pɩfɛyɩ kɛlɛʋ se ɛyʋ ese kɩdɛkɛdɩm paa ɛzɩmtaa. Ɛlɛ, Yehowa nɛ ɛ-Aseɣɖe tɩnaa sɩɣna-ŋ nɛ ŋse mbʋ Ɛsɔ ɛɛnaɣ nɛ ɛzɩyɛ yɔ.—Izayii 48:17; Filiipu 4:13; Ebree 10:24, 25.