Hɔɔlʋʋ 2 yɔɔ kɔɔnɔɔ tɔm

Ɛbɛ yɔɔ Yehowa kaayeba nɛ tɛʋ sɔsɔʋ nakʋyʋ ɖɩzɩ ɛjaɖɛ? Palɩzɩ ɛyaa nɛ pitileɖi lɛ, you nakʋyʋ paɣzɩ; ɛyaa nabɛyɛ kaasɔɔlɩ kɩbam labʋ nɛ lalaa ñɔsɔɔlɩ kɩdɛkɛdɩm labʋ. Ɛyaa nabɛyɛ ɛzɩ Aɖam, Ɛva nɛ pa-pɩyalʋ Kayɩnɩ paalɩzaa se palakɩ kɩdɛkɛdɩm. Ɛlɛ ɛyaa nabɛyɛ pazɩ ɛzɩ Aabɛɛlɩ nɛ Noowa mbʋ yɔ ñaalɩzaa se palakɩ kɩbam. Ɛyaa sakɩyɛ lakaɣ kɩdɛkɛdɩm nɛ pʋyɔɔ Yehowa ɖɩzɩ ɛjaɖɛ alɩwaatʋ ndʋ tɩ-taa. Hɔɔlʋʋ kʋnɛ kɩkaɣ-ɖʋ sɩnʋʋ nɛ ɖɩna se Yehowa sɩm mbʋ ɖɩlɩzɩɣ se ɖɩlakɩ yɔ nɛ ɛɛkaɣ yebu kpa nɛ kɩdɛkɛdɩm wa kɩbam.