PƖSƖ ŊNA-Ɩ
TƆM KƖKPƐLƖKƖTƲ 7
Taalɔ lidaʋ
Paɣtʋ kiɖe: «Powokaɣ pɩ-yɔɔ nɛ pawɩlɩɣ tɔm nɛ posusuu tɔm kɩbandʋ.»—Tʋma 5:42.
Mbʋ Pɔɔlɩ laba yɔ
1. Cɔnɩ VIDEO, yaa kalɩ Tʋma Labʋ 19:8-10. Pʋwayɩ lɛ ŋmaɣzɩ tɔm tʋnɛ tɩ-yɔɔ:
Paa nabɛyɛ kaakaɖɩnɩ Pɔɔlɩ yɔ, ɛzɩma ewobi pɩ-yɔɔ nɛ ɛsɩɣnɩ mba Ɛsɔtɔm kaakɛdɩnaa yɔ?
Tam ɛzɩma Pɔɔlɩ pɩsaɣ nɛ ɛnaɣ mba Ɛsɔtɔm kaakɛdɩnaa yɔ? Nɛ ɛlabɩ mbʋ alɩwaatʋ ɛzɩma?
Ɛbɛ ɖɩkpɛlɩkɩɣ Pɔɔlɩ kɩɖaʋ taa?
2. Pɩsa nɛ ɖɩpɩzɩ nɛ ɖɩla pɩsɩ ŋna-ɩ waa camɩyɛ nɛ ɖa nɛ ɛyaa ɖɩpaɣzɩ Bibl kpɛlɩkʋʋ lɛ, pɩpɔzʋʋ-ɖʋ alɩwaatʋ nɛ pana ñaɣʋ.
Maɣzɩnɩ Pɔɔlɩ
3. Tisi faaa nɛ ŋpɩsɩ nɛ ŋna ɛyaa alɩwaatʋ ndʋ pɔsɔɔlaa yɔ tɩ-yɔɔ. Pɔzɩ ña-tɩ se: «Alɩwaatʋ ndʋ yɔɔ pɩwɛɣ ɖeu nɛ pɩkɩlɩ se manpɩsɩ nɛ mana-ɩ? Ɛzɩmtaa nɛ le pɩkɛdɩɣnɩ-ɩ nɛ pɩkɩlɩ se ma nɛ ɩ ɖɩkatɩ nɛ ɖɩla kɛdaɣ?» Tisi faaa nɛ ŋpɩsɩ nɛ ŋna-ɩ, paa alɩwaatʋ ndʋ ɛɖʋwa yɔ tɩɩlakɩ nɔɔ kʋɖʋmaɣ nɛ ña-ɖʋtʋ yɔ.
4. Ɩɖʋ alɩwaatʋ ndʋ tɩ-yɔɔ pɩwɛɛ se ŋpɩsɩ yɔ. Ña nɛ ɛyʋ nɔɔyʋ ɩtɛŋ paa kɛdaɣ ŋga lɛ, ñaɣ pana nɛ ŋtɩlɩ alɩwaatʋ ndʋ tɩ-yɔɔ ɖeyi ɖeyi ŋpɩzɩɣ nɛ ŋtasɩ pɩsʋʋ ɛ-cɔlɔ yɔ. Ñaɣ pana nɛ ŋpɩsɩ nɛ ŋna-ɩ ɛzɩ ɩlabʋ ɖʋtʋ yɔ.
5. Taalɔ lidaʋ. Ye ŋpɩsɩɣ ɛyʋ nɔɔyʋ cɔlɔ ɖoŋ ɖoŋ nɛ ɛfɛyɩ ɖɩɣa yaa pɩɖɔkʋʋnɩ-ɩ tam yɔ, taakɔ tɔm ñʋʋ lɛɛ lɛɛ se ɛtɩsɔɔlɩ Bibl taa tɔm. (1 Kɔr. 13:4, 7) Ñaɣ pana se ŋna ɛyʋ ɛnʋ; taalɔ lidaʋ lɔŋ, ɛlɛ labɩnɩ ña-alɩwaatʋ tʋmɩyɛ camɩyɛ.—1 Kɔr. 9:26.