Wɩzasɩ nɛ laŋwɛɛkɩyɛ pɩzɩɣ nɛ pɩsɩɩ tɩnaɣ ɛyʋ wezuu caɣʋ taa wiɖiyi?

Ɛsɔ «kaɣ hɩzʋʋ ɛsɩtɛɣlɩm kpeekpe pɛ-ɛsɩndaa, nɛ sɩm ɛɛkaɣ tasʋʋ wɛʋ, kʋñɔwiye nɛ kubusi mabʋ nɛ wɩzasɩ paakaɣ tasʋʋ wɛʋ ɖɔɖɔ.»—Natʋ 21:4.

Bibl yeba nɛ ɖa-taa se

Pɩtɩkɛ Ɛsɔ cɔlɔ ɖa-kʋñɔmɩŋ lɩɣna.—Yakubu 1:13.
Ɛmaɣzɩɣ ɖɔ-yɔɔ, ɛnaɣ mbʋ pɩtalɩɣ-ɖʋ yɔ, nɛ ɛkaɣ yebu nɛ ɖa-kʋñɔmɩŋ sɩɩ tɩnaɣ.—Keɣa 34:17-19.

Ye ŋsɔɔlaa se ŋtɩlɩ nɛ pɩkpaɖɩ yɔ, wolo jw.org yɔɔ.