Yele nɛ ɖoŋ weyi Ɛsɔtɔm wɛna yɔ, ɛla tʋmɩyɛ ñɔ-tɔm susuu taa
Ye ɛyʋ nɔɔyʋ etisaa nɛ ɛha-ɖʋ alɩwaatʋ se ɖisusi-i kewiyaɣ laŋhɛzɩyɛ tɔm yɔ, ɖɩkpakɩɣ alɩwaatʋ ndʋ nɛ ɖiyele nɛ ɖoŋ weyi Ɛsɔtɔm wɛna yɔ, ɛla tʋmɩyɛ ɛ-yɔɔ. Pʋyɔɔ lɛ, pɩwɛɛ se ɖɩkalɩ-ɩ masɩ Bibl taa kpaagbaa. Pañɩɣ tɔm ndʋ tɩ-yɔɔ niye kɩyakʋ kʋyʋmʋʋ kigbeɣluu taa pinde. Egeetiye yɔɔ cɔnɩyʋ yɔɔdɩ tɔm natʋyʋ, tɩ-ñʋʋ yɔ: “Yele nɛ ɖoŋ weyi Ɛsɔtɔm wɛna yɔ, ɛla ɛ-tʋmɩyɛ ñɔ-tɔm susuu taa.” Ŋtɔzʋʋ lɩmaɣza sɔsɔna wena ɛɛyɔɔdɩ a-tɔm yɔ?
Ɛbɛ yɔɔ Yehowa tɔm wɛ ɖoŋ nɛ pɩkɩlɩ ɖa-ñɩndʋ?—2 Tim. 3:16, 17.
Ɛzɩma Bibl pɩzɩɣ nɛ kɩñɔɔzɩ ɖa-lɩmaɣza nɛ ɖa-laŋɩyɛ, nɛ kɩwɩlɩ-ɖʋ ɛzɩma ɖɩcaɣ wezuu yɔ?—Cɔnɩ 2012 15 juin 2012 tɛ Feŋuu Tilimiye, h. 27, § 7.
Ye ɖɩñɩnɩɣ se ɖɩkalɩ mayaɣ nakɛyɛ tɔm susuu taa yɔ, ɛzɩma ɖɩpɩzɩɣ ɖɩla nɛ ɖɩhɔ ɛyaa lɩmaɣza Ɛsɔtɔm yɔɔ nɛ pañam-tʋ?—Cɔnɩ École du ministère takayaɣ h. 148, § 3-4 nɛ mars 2013 tɛ Kewiyaɣ Ɛsɔ sɛtʋ tʋmɩyɛ takayaɣ, h. 6, § 8.
Ɛbɛ yɔɔ pɩcɛyaa se ɖiheyi ɛyaa mbʋ pʋyɔɔ ɖɩkalɩ mayaɣ nakɛyɛ yɔ? Ɛzɩma pɩwɛɛ se ɖɩla?—Tʋma 17:2, 3; cɔnɩ École du ministère takayaɣ, h. 154, § 4 nɛ piwolo h. 156, § 5 yɔɔ.