Ɛzɩma pɩwɛɛ se ɖɩñɔɔzɩ ɖa-tɩ nɛ ɖɩwɛɛ niye tɔm wɩlʋʋ taa?

Ɛyaa pɔzɩ Yesu tɔm kʋɖʋmtʋ tam nabʋlɛ pɩlɩɩnɩ wezuu maatɛŋ yɔɔ, nɛ paa ɛzɩmtaa lɛ, ɛcɔnɩ weyi ɛpɔzɩ-ɩ tɔm yɔ ɛ-kɩcɛyɩm pʋcɔ nɛ ecosi ɛ-tɔm yɔɔ. (Luka 10:25-28; 18:18-20) Ye mbʋ, paa ɖɩsɩm takayaɣ ŋga ɖɩkpɛlɩkɩɣnɩ ɛyaa yɔ, ka-taa tɔm camɩyɛ yɔ, pɩwɛɛ se ɖɩñɔɔzɩ-kɛ nɛ ɖɩmaɣzɩɣ paa Bibl kpɛlɩkɩyʋ weyi lɛ ɛ-yɔɔ. Tɔm ndʋ pɩzɩɣ nɛ pɩlabɩ-ɩ kaɖɛ se ɛnɩɩ tɩ-taa yaa etisi tɩ-yɔɔ? Masɩ nzɩ pɩwɛɛ se ɖɩkalɩ? Tayʋʋ ɛzɩma ɖɩpɩzɩɣ nɛ ɖɩkpɛlɩkɩ? Pɩpɩzɩɣ nɛ pɩpɔzɩ se ɖɩñɩnɩ kɩɖaʋ nakʋyʋ yaa ɖɩñɩnɩ nɛ ɖɩna se ɛzɩma ɖɩpɩzɩɣ nɛ ɖicosi tɔm natʋyʋ yɔɔ yaa ɖɩpɔzɩ-ɩ tɔm natʋyʋ nɛ pɩsɩnɩ-ɩ nɛ ɛnɩɩ tɔm taa. Pɩtasɩ lɛ, ɖɩtɩlɩ se Yehowa lakɩnɩ se toovenim ɖomaɣ ɛñɔ ɛyʋ nɔɔyʋ laŋɩyɛ taa; ye mbʋ pɩwɛɛ se ɖɩpɔzɩ Yehowa se ɛsɩnɩ-ɖʋ nɛ ɖɩñɔɔzɩ kpɛlɩkʋʋ camɩyɛ, ɛwazɩ ɖe-Bibl kpɛlɩkɩyʋ nɛ ɖa-pana ñaɣʋ yɔɔ nɛ ɖɩpɩzɩ nɛ ɖɩsɩnɩ ɛyʋ ɛnʋ camɩyɛ fezuu taa.​—1 Kɔr. 3:6; Yak. 1:5.