Ɛbɛ Yesu wayɩ tɩŋʋʋ pɔzʋʋ

9:62

Pʋcɔ haɖʋ hɛɛ kpɛnzɩ nɛ sɩtʋʋzɩ camɩyɛ lɛ, pɩtɩmʋna se ɛka ñʋʋ nɛ mbʋ pɩlakɩnɩ ɛ-wayɩ yɔ. Mbʋ ɖɔɖɔ pɩtɩmʋna se Krɩstʋ tʋ ɛcɔŋnɩ mbʋ eyebini ɛ-wayɩ ɛjaɖɛ yɔɔ yɔ.​—Fil 3:13.

Alɩwaatʋ ndʋ ɖɩkatɩɣ tɩlasɩ yɔ, pɩwɛ kɛlɛʋ yem se ɖɩtɔzɩ wezuu ŋgʋ ɖɩɩcaɣ ɛjaɖɛ yɔɔ nɛ ɖɩmaɣzaɣ se kɩwɛ ɖeu yɔ kɩ-yɔɔ. Ye ɖɩwɛnɩ lɩmaɣza ana yɔ, ɖoŋ ɖoŋ lɛ, leleŋ weyi ɖɩnɩɣaɣ yɔ i-ɖeke ɩ-yɔɔ ɖɩtɔzʋʋ nɛ halɩ ɖɩɖɛlɩsɩɣ niye nɛ ɖɩsɔʋ kʋñɔmɩŋ weyi ɖɩkataɣ yɔ ɩ-yɔɔ. Izrayɛɛlɩ piya lɩ Ejipiti nɛ pɩtɛ lɛ, mbʋ sɩɩlaba. (Kɩg 11:5, 6) Ye ɖɩwɛnɩ lɩmaɣza ana ɖɔɖɔ yɔ, pɩpɩzɩɣ nɛ pɩtakɩ-ɖʋ se ɖɩpɩsɩ ɛjaɖɛ yɔɔ. Pɩwɛɣ ɖeu se ɖɩmaɣzɩɣ wazasɩ nzɩ ɖiɖiɣni hiɣu yɔ sɩ-yɔɔ nɛ ɖɩka ɖa-lɩmaɣza leleŋ weyi ɖɩkaɣ nɩʋ Ɛsɔ Kewiyaɣ taa yɔ ɩ-yɔɔ.​—2Kɔr 4:16-18.