“Tɛtʋ haa tɩ-nɔɔ nɛ tili pɔɔ”

Ajɛɛ ñʋndɩnaa sɩnɩ Yehowa samaɣ alɩwaatʋ ndɩ ndɩ taa, kpaɣnɩ ɖooo caanaʋ taa pɩkɔɔ pɩtalɩ sɔnɔ. (Ɛsd 6:1-12; Ɛst 8:10-13) Halɩ ɖa-alɩwaatʋ taa, “tɛtʋ” ndʋ tɩsɩŋnɩ ɛjaɖɛ ɖɩnɛ ɖɩ-ɛyaa mba panɩɣ tɔm taa yɔ, tilibi nazɩm “pɔɔ” ŋga “ɖʋmanʋʋ” weyi ɛkɛ Sataŋ Eleeu yɔ, ɛtɔnɩ ɛ-nɔɔ yɔ. (Nat 12:16) Yehowa, “Ɛsɔ. . . weyi ɛpɩzɩɣ ɛlɩzɩ” ɛ-sɛyaa pɩtɩŋa pɩ-taa yɔ, ɛpɩzɩɣ nɛ etuyi ajɛɛ ñʋndɩnaa nɛ paba sɩnɩ ɛ-samaɣ nɛ kehiɣ ɖiɣɖiɣ caɣʋ.​—Keɣa 67:21; Adu 21:1.

Nɛ ye paɖɩɣ-ŋ salaka ñe-tisuu yɔɔ? Pɩtʋʋ fɛyɩ se Yehowa wɛɣ ñɔ-cɔlɔ wɛtʋ ndʋ tɩ-taa. (Kiɖe 39:21-23; Keɣa 104:17-20) Ña-taa ɛtɛ se ɛkaɣ-ŋ wazʋʋ ñe-tisuu yɔɔ; nɛ ɛzɩma ŋɖɔkɩ ña-cɩŋgɩlɩm wɛtʋ yɔ, pɩkpazɩɣ ɖoŋ ɛjaɖɛ kpeekpe yɔɔ koobiya lalaa.​—Fil 1:12-14; Nat 2:10.

ƖCƆNƖ VIDEO PALƖZƖ KOOREE KOOBIYA SALAKA TAA, NƐ PƲWAYƖ LƐ ICOSI TƆM TƲNƐ TƖ-YƆƆ:

• Ɛbɛ yɔɔ paaɖɩɣ ɖo-koobiya kudokiŋ sakɩyɛ Hadɛ Kiŋ tɛ Kooree ɛjaɖɛ taa?

• Tɔm hʋʋ paɣtʋ ndʋ calɩ yebu nɛ palɩzɩ ɖo-koobiya nabɛyɛ salaka taa?

• Ɛbɛ ɖɩpɩzɩɣ ɖɩla nɛ ɖɩsɩnɩ ɖo-koobiya mba paɖɩɣ salaka ɛjaɖɛ kpeekpe yɔɔ pe-tisuu yɔɔ yɔ?

• Ɛzɩma ɖɩpɩzɩɣ nɛ ɖɩlabɩnɩ tʋmɩyɛ tɩ-yɔɔ wɛʋ mbʋ ɖɩwɛnɩ lɛɛlɛɛyɔ yɔ?

• Ayeba nɛ ɖɔ-tɔm ɖe tɔm ndʋ payɩ pahʋwa nɛ ɖɩwa yɔ tɩ-taa?