Ɛjaɖɛ tɛm wɛɛ nɛ pɩñɔtʋʋ, pʋyɔɔ lɛ pɩpɔzʋʋ-ɖʋ tɩ tɔkʋʋ

ƐBƐ YƆƆ PƖCƐYAA? Mbʋ mbʋ Bibl kaayɔɔdɩ pɩ-tɔm se pɩkaɣ labʋ ɖa-alɩwaatʋ tʋnɛ tɩ-taa yɔ, pɩkaɣ yebu nɛ pɩtakɩ lidaʋ ŋgʋ ɖɩwɛnɩ Yehowa yɔɔ yɔ siŋŋ. Kʋñɔŋ sɔsɔʋ paɣzɩɣ alɩwaatʋ ndʋ paɖɩzɩɣ cɛtɩm Ɛsɔ sɛtʋ agbaa yɔ. (Mt 24:21; Nat 17:16, 17) Kaɖɛ alɩwaatʋ ndʋ tɩ-taa, pɩtɩla ɖɩkaɣ susuu tɔm hʋʋ tɔm natʋyʋ. (Nat 16:21) Gɔɔgɩ weyi ɛlɩnɩ Maagɔɔgɩ yɔ, ɛkaɣ kʋyʋʋ ɖɔ-yɔɔ. (Eze 38:10-12, 14-16) Pɩkaɣ yebu nɛ Yehowa kɔnɩ “Ɛsɔ Ðoŋ Tɩŋa Tʋ tɛ kɩyakʋ sɔsɔʋ you.” (Nat 16:14, 16) Pɩsa nɛ ɖɩcɛyɩsɩ abalɩtʋ ndʋ ɖɩwɛna yɔ nɛ ɖɩɖaŋ mbʋ mbʋ pɩkaɣ labʋ cee wayɩ yɔ lɛ, pɩpɔzʋʋ se ɖɩɖɔkɩ kpam takɩm mbʋ ɖɩkatɩɣ sɔnɔ yɔ pɩ-taa.

MBƲ PƖWƐƐ SE ÐƖLA YƆ:

• Ðɩla abalɩtʋ nɛ ɖɩñɔɔnɩ paɣtʋ ndʋ Yehowa ɖʋ wezuu kɩbaŋʋ caɣʋ yɔɔ yɔ kpam.—Iza 5:20

• Ðiwolo pɩ-yɔɔ nɛ ɖa nɛ ɖo-koobiya ɖikpeɣliɣ nɛ ɖɩsɛɣ Ɛsɔ.—Ebr 10:24, 25.

• Ðɩɖɔŋ Yehowa ɛgbɛyɛ lɔŋ tasʋʋ yɔɔ kpɛdɛyɛ.—Ebr 13:17.

• Ðɩmaɣzɩɣ ɛzɩma Yehowa kaayabɩ ɛ-samaɣ ñʋʋ caanaʋ taa yɔ pɩ-yɔɔ.—2Pɩ 2:9.

• Ðɩtɩmɩɣnɩ Yehowa nɛ ɖɩtaɣ-ɩ liu.—Keɣa 111:7, 8

CƆNƖ VIDEO PƖKAƔ PƆZƲƲ ABALƖTƲ MBƲ PƖKAƔ LABƲ NƐ ƐSƖNDAA YƆ PƖ-TAA—HƆƆLƲƲ NAKƲYƲ, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• 

  Koobiya mba patayɩ-wɛ agbaa lɛɛna taa yɔ, takɩm mbʋ pakatɩ ñamtʋ hɔɔlʋʋ taa?

• 

  Nɔɔ kʋɖʋmaɣ ŋga wɛ abalɩtʋ nɛ ñamtʋ pɛ-hɛkʋ taa?

• 

  Ɛbɛ yɔɔ pɩkaɣ-ɖʋ pɔzʋʋ abalɩtʋ Armaagedɔɔ you taa?

• 

  Bibl kɛdaɣ ŋga pɩzɩɣ nɛ kakpazɩ ɖe-tisuu ɖoŋ se Yehowa pɩzɩɣ nɛ ɛya ɖa-ñʋʋ?—4Aw 20:1-24