Ñɔɔzɩ ña-tɩ nɛ ŋsusi tɔm paa anɩ

Ɛzɩ Yehowa kaañɔɔzʋʋ Izrayɛɛlɩ mba caanaʋ taa yɔ, mbʋ ɖɔɖɔ ɛñɔɔzɩ ɛ-samaɣ sɔnɔ se kala ɛ-sɔɔlɩm. Ɛjaɖɛ kpeekpe yɔɔ lɛ, ɛgbɛyɛ pilinzi, ageeta, agbaa nɛ tɔm susuu agbaa, lakɩ tʋmɩyɛ nɔɔ kʋɖʋmaɣ taa se pɩsa nɛ posusi tɔm kɩbandʋ. Ðisusuu tɔm paa anɩ pɩkpɛndɩnɩ mba paayɔɔdʋʋ ɖa-kʋnʋŋ yɔ.—Nat 14:6, 7.

Pɩkɛdɩɣnɩ-ŋ se ŋkpɛlɩkɩ kʋnʋŋ nakʋyʋ nɛ pɩsa nɛ ŋsɩnɩ nɔɔyʋ nɛ ɛtɩlɩ toovenim tɔm na? Paa ŋfɛyɩnɩ alɩwaatʋ se ŋkpɛlɩkɩ kʋnʋŋ kɩfalʋʋ yɔ, ŋpɩzɩɣ nɛ ŋtɩŋnɩ JW Language yɔɔ nɛ ŋkpɛlɩkɩ ɛzɩma pɩwɛɛ se papaɣzɩ kɛdɛsɩ kʋnʋmɩŋ nɩɩyɩ taa yɔ. Pʋwayɩ lɛ ŋtɩŋnɩ pɩ-yɔɔ nɛ ŋsusi tɔm mba paayɔɔdʋʋ ña-kʋnʋŋ yɔ, piyeki nɛ ŋhiɣ taa leleŋ weyi kajalaɣ pɩnzɩ mɩnʋʋ taa Krɩstʋ mba kaahiɣaa alɩwaatʋ ndʋ posusi lalaa “Ɛsɔ tʋma sɔsɔna tɔm,” pa-maɣmaɣ pa-kʋnʋmɩŋ taa yɔ.—Tʋm 2:7-11.

CƆNƖ VIDEO KƐ YEHOWA TAABALƲ—SUSI TƆM ƐYAA MBA PƆYƆƆDƲƲ KƲNƲŊ LƐƐKƲ YƆ, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• 

  Alɩwaatʋ ndʋ ŋpɩzɩɣ nɛ ŋlabɩnɩ tʋmɩyɛ JW Language app?

• 

  Hɔɔlɩŋ ndɩ ndɩ weyi wɛ kɩ-yɔɔ?

• 

  Ɛyaa mba pɛwɛ ñe-egeetiye taa yɔ, kʋnʋmɩŋ weyi pɔyɔɔdʋʋ?

• Ɛbɛ pɩwɛɛ se ŋla ye Kewiyaɣ tɔm ɛkɛdɩnɩ nɔɔyʋ ɛlɛ ɛɛyɔɔdʋʋ kʋnʋŋ ŋgʋ ŋnɩɣ yɔ?—od-F 100-101 § 39-41