Lɔŋ weyi Samɩyɛɛlɩ wezuu caɣʋ kpɛlɩkɩɣ-ɖʋ yɔ

Samɩyɛɛlɩ kaalabɩ mbʋ pɩwɛ siɣsiɣ Yehowa ɛsɩndaa yɔ e-wezuu caɣʋ kpeekpe taa. Ɛɛkɛ pɩɣa lɛ, etiyele nɛ Elii pɩyalaa Hɔfɩnii nɛ Fineyaasɩ pɛwɛɛnɩ ɖoŋ kɩdɛkɛdɩŋ ɛ-yɔɔ. (1Sam 2:22-26) Yehowa kaawɛ Samɩyɛɛlɩ cɔlɔ alɩwaatʋ ndʋ ɛlɛ wɛɛ nɛ ɛpaɣlɩɣ yɔ. Ɛkɔma nɛ ɛkpadɩyɩ lɛ, ewobi pɩ-yɔɔ nɛ ɛsɛɣ Yehowa paa ɛ-pɩyalaa iikizaa se paasɛɣ-ɩ yɔ.—1Sam 8:1-5.

Lɔŋ weyi Samɩyɛɛlɩ kɩɖaʋ kpɛlɩkɩɣ-ɖʋ? Ye ŋkɛ pɩɣa evelaɣ yɔ, tɩlɩ se kala wena payɩ ŋkatɩɣ yɔ, Yehowa naɣ-yɛ nɛ ɛnɩɣ ɛzɩma pɩlakɩ-ŋ yɔ pɩ-taa. Ɛpɩzɩɣ ɛsɩnɩ-ŋ nɛ ŋwɛɛ abalɩtʋ. (Iza 41:10, 13) Ye ŋkɛ lʋlɩyʋ weyi ɛ-pɩɣa kizaa se kaasɛɣ Yehowa yɔ, tɩlɩ se Samɩyɛɛlɩ taapɩzɩɣ se ɛkpa e-piya nzɩ sɩpaɣlaa yɔ nɛ ɖoŋ se sɩsɛɛ Yehowa nɛ ŋyele nɛ tɔm ndʋ tɩhɛzɩ ña-laŋɩyɛ. Ɛzɩma ɛɖʋzɩ tɔm ndʋ Yehowa nesi tɛɛ yɔ, pɩsɩnɩ-ɩ nɛ ɛpɩzɩ nɛ ɛɖɔkɩ ɛ-cɩŋgɩlɩm wɛtʋ nɛ ɛ-tɔm kɛdɩnɩ ɛ-caa Yehowa. Pɩtɩla ña-kɩɖaʋ kɩbaŋʋ kaɣ seɣtuu ña-pɩɣa nɛ kapɩsɩ Yehowa cɔlɔ.

CƆNƖ VIDEO KPƐLƖKƖ LƆŊ PƆ-CƆLƆ—SAMƖYƐƐLƖ NƐ PƲWAYƖ LƐ ŊCOSI TƆM TƲNƐ TƖ-YƆƆ:

• 

  Ɛzɩma Samɩyɛɛlɩ wɩlaa se ɛwɛ abalɩtʋ alɩwaatʋ ndʋ ɛɛkɛ pɩɣa yɔ?

• 

  Ɛzɩma Danny wɩlaa se ɛwɛ abalɩtʋ?

• 

  Ɛzɩma Samɩyɛɛlɩ ha kɩɖaʋ kɩbaŋʋ alɩwaatʋ ndʋ ɛkpadɩyaa yɔ?

• 

  Ɛzɩma Danny lʋlɩyaa ha kɩɖaʋ kɩbaŋʋ?