Ŋpɩzɩɣ nɛ ŋɖʋ nesi nɛ ñɔ-hɔʋ wɛɛ taa leleŋ taa

Yehowa sɔɔlaa se hɔŋ ɩwɛɛ taa leleŋ taa. (Ke 127:3-5; Ekl 9:9; 11:9) Ɛlɛ ɛjaɖɛ yɔɔ kʋñɔmɩŋ nɛ hɔʋ taa mba ɛjandʋ yeki nɛ taa leleŋ ɛnɩ ileki. Ɛbɛ paa hɔʋ taa tʋ weyi lɛ ɛpɩzɩɣ nɛ ɛla nɛ ɛɖʋ nesi nɛ ɛ-hɔʋ wɛɛ taa leleŋ taa?

Walʋ ɖʋʋ ɛ-halʋ hɩɖɛ. (1Pɩ 3:7) Ɛñɩnɩɣ alɩwaatʋ nɛ ɛ nɛ ɛ-halʋ pɛkɛdɩɣ. Ɛwɛnɩ lɩmaɣza kɩbana mbʋ ɛ-halʋ pɩzɩɣ labʋ yɔ pɩ-yɔɔ nɛ ɛsaŋɩ-ɩ mbʋ ɛlakɩ-ɩ nɛ mbʋ ɛlakɩ hɔʋ taa yɔ pɩ-yɔɔ. (Kol 3:15) Ɛwɩlɩɣ se ɛsɔɔlɩ-ɩ nɛ ɛyɩkɩɣ-ɩ.—Adu 31:28, 31.

Halʋ ñɩnɩɣ nʋmɔŋ weyi ɩ-yɔɔ ɛpɩzɩɣ ɛtɩŋna nɛ ɛɖʋ ɛ-walʋ nesi yɔ. (Adu 31:12) Eluzuu ɛ-tɩ ɛ-walʋ tɛɛ nɛ ɛ nɛ ɩ palakɩ tʋmɩyɛ nɔɔ kʋɖʋmaɣ taa. (Kol 3:18) Ɛyɔɔdʋʋnɩ ɛ-walʋ nɛ nɔɔ kɩbaŋa nɛ ɛyɔɔdʋʋ ɛ-yɔɔ tɔm kɩbandʋ.—Adu 31:26.

Lʋlɩyaa ñɩnɩɣ alɩwaatʋ nɛ pa nɛ pe-piya pacakɩ. (Wp 6:6, 7) Peheyiɣ pe-piya se pɔsɔɔlɩ-sɩ. (Mt 3:17) Ye pɩpɔzʋʋ se pɔhɔ sɩ-nɩŋgbaŋʋʋ yɔ, palakɩ mbʋ nɛ sɔɔlɩm nɛ lɛɣtʋ.—Efɛ 6:4.

Piya ñaŋ nɛ sɩɖʋʋ sɩ-lʋlɩyaa hɩɖɛ. (Adu 23:22) Siyeki nɛ sɩ-lʋlɩyaa tɩlɩɣ sɩ-lɩmaɣza nɛ ɛzɩma pɩlakɩ-sɩ yɔ. Sitisiɣ se sɩ-lʋlɩyaa ɩhɔ sɩ-nɩŋgbaŋʋʋ nɛ sɩñaŋ-wɛ.—Adu 19:20.

CƆNƖ VIDEO YELE NƐ TAA LELEŊ WƐƐ ÑƆ-HƆƲ TAA, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Ɛbɛ pa-taa paa weyi ɛlaba se leleŋ ɛwɛɛ hɔʋ taa?