Pɩ-tɛɛ tɔm

c Bibl taa tazɩyaa nabɛyɛ maɣzɩɣ se abalaa mba, paaɖuu ɖuutu se pɛkɛ Naziireya mba. (Kɩg. 6:1-21) Pɩkɛ toovenim se Moyizi Paɣtʋ tɛɛ lɛ, ɛyʋ pɩzaɣ se eɖuu ɖuutu ndʋ, ɛlɛ alɩwaatʋ ndʋ tɩ-taa lɛ paɣtʋ ndʋ tɩɩsɩ tɩnaɣ. Paa mbʋ yɔ pɩtɩla, Pɔɔlɩ kaamaɣzaa se pɩtɩwɛɛkɩ se abalaa mba pɔɖɔ ɖuutu ndʋ paaɖuwaa yɔ tɩ-yɔɔ. Ye mbʋ, ye ɛsɩ-wɛ nɛ ɛhɛyɩ liidiye pɔ-yɔɔ yɔ, pɩtɩkɛ kɩwɛɛkɩm. Ðɩɩsɩŋ ɖuutu ndʋ ɖeyi ɖeyi abalaa mba paaɖuwaa yɔ, ɛlɛ paa pɩtɩɩkɛ ndʋ yɔ, pɩtʋʋ fɛyɩ se Pɔɔlɩ ɛɛpɩzɩɣ nɛ etisi nɛ ɛhɛyɩ liidiye se palaa kpɩnɛ naɖɩyɛ kɩlaʋ (ɛzɩ Naziireya mba kaalakʋʋ yɔ) se kɩhɩzɩ abalaa mba pa-kɩwɛɛkɩm. Yesu kaatɛm kpaɣʋ e-tomnaɣ ŋga katalɩ pilim yɔ nɛ ɛlaa, pʋyɔɔ lɛ kpɩna kɩlaŋ taatasɩɣ hɩzʋʋ ɛyaa kɩwɛɛkɩm. Paa ɛbɛ Pɔɔlɩ ɛtɩɩlaba yɔ, ɖa-taa tɛma se ɛtaapɩzɩɣ se etisi nɛ ɛla mbʋ pɩpɩzɩɣ nɛ pipisi ɛ-ɛhʋyɛ yɔ.