Pɩ-tɛɛ tɔm

c Bibl kɛdɩ hɔɔlɩŋ naalɛ weyi ɩ-taa cɔjɔnaa mba paawɩlɩ kaañamtʋ yɔ. Kajalaɣ lɛ, Moyizi Paɣtʋ wɩlɩ kpɩnɛ hɔɔlʋʋ ŋgʋ ɖeyi ɖeyi pɩɩwɛɛ se cɔjɔnaa ɩtɔɔ yɔ. (Wp. 18:3) Ɛlɛ, mbʋ cɔjɔnaa kɩdɛkɛdaa ñɔkɔm nɛ palakɩ kizinziku tɛɛ yɔ, pɩɩwɛ ndɩ kpem. Paɖaŋɩɣ kpam nɛ alɩwaatʋ ndʋ nandʋ ɖiɣni wasʋʋ ɖeɣa taa lɛ, pakpaɣ kela lɔɔyaɣ sɔsɔɔ nakɛyɛ nɛ pɛlɛkɩ ɖeɣa ŋga ka-taa nɛ paa nanʋʋ ŋgʋ pehiɣaa yɔ, palɩzɩ-kʋ. Nabʋlɛ lɛ, ɛyaa kɔŋnɩ pa-kɩlaŋ se pañaɣzɩ-ɩ miŋ kɩlaʋ pɩyɛ yɔɔ lɛ, cɔjɔnaa kɩdɛkɛdaa mba petiyiɣ pa-lɩmɖʋyʋ nɔɔyʋ nɛ ɛñazɩ weyi ɛkɔnɩ kɩlaʋ yɔ nɛ ɛmʋ nandʋ lɛŋ ñɩndʋ, ŋgʋ patɩñaɣzɩta kɩlaʋ num se pɩkpa Yehowa cɔlɔ.​—Lev. 3:3-5; 1 Sam. 2:13-17.