Pɩ-tɛɛ tɔm

a Kɔrɛntɩ mba takayaɣ kajalaɣ ñɩŋga ñʋʋ 15 tɛ hɔɔlʋʋ naalɛ ñɩŋgʋ yɔɔdʋʋ sɩɖaa femtu tɔm, kɔzɩ kɔzɩ Krɩstʋ ñɩma patam numwaa femtu tɔm. Ɛlɛ tɔm ndʋ Pɔɔlɩ ma ñʋʋ ŋgʋ kɩ-taa yɔ, tɩ-tɔm cɛyɩ heŋ lɛɛŋ ɛsɩndaa ɖɔɖɔ. Tɔm ñʋʋ kʋnɛ, kɩkaɣ yɔɔdʋʋ ɛzɩma pɩwɛɛ se sɩɖaa femtu lidaʋ ɛwɛɛnɩ ɖoŋ ɖe-wezuu caɣʋ yɔɔ lɛɛlɛɛyɔ, nɛ ɛzɩma kɩsɩɣnɩ-ɖʋ se ɖɩnɩɩ leleŋ ɖe-wezuu caɣʋ taa cee wayɩ yɔ pɩ-tɔm.