Kroniiki takayaɣ naalɛ ñɩŋga

27 Yotam+ kaawɛnɩ pɩnzɩ 25 alɩwaatʋ ndʋ ɛpɩsɩ wiyaʋ yɔ, nɛ ɛtɔɔ kewiyitu Yeruzalɛm pɩnzɩ 16. Payaɣaɣ e-ɖoo se Yerusa, Sadɔɔkɩ pɛlɛ.+ 2 Ewobi pɩ-yɔɔ nɛ ɛlakɩ mbʋ pɩtʋʋzɩ Yehowa ɛsɩndaa yɔ, ɛzɩ ɛ-caa Uziya kaalabʋ yɔ;+ paa mbʋ yɔ, ɛnʋ lɛ, ɛtɩmaanɩ paɣtʋ yɔɔ nɛ ɛsʋʋ Yehowa tɛ templo taa.+ Ɛlɛ samaɣ kaawɛɛ nɛ kalakɩ lakasɩ kɩdɛkɛdɩsɩ mbʋ. 3 Ɛma Yehowa ɖɩɣa nɔnɔɔ hayo ñɩŋga,+ nɛ ɛɖɔnɩ maʋ maʋ Ofɛɛlɩ+ koloŋa yɔɔ. 4 Ɛma ɖɔɖɔ tɛtʋ ndɩ ndɩ+ Yuuda pʋŋ egeetiye taa,+ nɛ ɛma lona ɖoŋ ñɩna+ nɛ tilima+ hɔɔlɩŋ weyi ɩ-taa tɩŋ sakɩyɛ wɛɛ yɔ. 5 Eyoni Amooni mba wiyaʋ+ nɛ ɛkɔɔ ɛwabɩ-wɛ, piyeba nɛ Amooni mba cɛlɩ-ɩ pɩnaɣ ŋga liidiye talaŋwaa* 100, blee kɔɔrwaa* 10 000, nɛ orjɩ kɔɔrwaa 10 000. Amooni mba hɛyɩ-ɩ ɖɔɖɔ mbʋ pɩnaɣ 2 ñɩŋga nɛ 3 ñɩŋga taa.+ 6 Nɛ Yotam wɛɛ nɛ ɛkpaɣ ɖoŋ, mbʋ pʋyɔɔ yɔ ɛɛtɛm ɛ-taa se ɛtɩŋɩɣ ɛ-Ɛsɔ Yehowa nʋmɔŋ.*

7 Piyele nɛ Yotam yɔɔ tɔm ndʋ pɩkazaa yɔ, e-yoŋ kpeekpe nɛ ɛ-nʋmɔŋ, pama pɩ-tɔm Izrayɛɛlɩ nɛ Yuuda Awiya Takayaɣ taa.+ 8 Ɛɛwɛnɩ pɩnzɩ 25 alɩwaatʋ ndʋ ɛpɩsɩ wiyaʋ yɔ, nɛ ɛtɔɔ kewiyitu Yeruzalɛm pɩnzɩ 16.+ 9 Pʋwayɩ lɛ, Yotam sɩ* nɛ pepimi-i Daviid Tɛtʋ taa.+ Nɛ ɛ-pɩyalʋ Ahaazɩ pɩsɩ wiyaʋ e-lone taa.+