Tɔm ndʋ ɛyaa pɔzʋʋ ɖoŋ ɖoŋ ɖɔ-yɔɔ yɔ / Lakasɩ / Ɛbɛ yɔɔ Yehowa Aseɣɖe Tɩnaa ɩɩlakɩnɩ tʋmɩyɛ kaamaŋgaɣ pɛ-Ɛsɔ sɛtʋ taa?

Ɛyaa sakɩyɛ maɣzɩɣ se kaamaŋgaɣ kɛnɩnɩ wonuu ŋgʋ patɩlɩɣnɩ Krɩstʋ ñɩma ɛjaɖɛ kpeekpe yɔɔ yɔ. Paa ɖa Yehowa Aseɣɖe Tɩnaa ɖɩkɛ Krɩstʋ ñɩma yɔ, ɖɩɩlakɩnɩ tʋmɩyɛ kaamaŋgaɣ ɖɛ-Ɛsɔ sɛtʋ taa. Ɛbɛ yɔɔ?

Lɩmaɣzɩyɛ sɔsɔɖɛ lɛ se Bibl yɔɔdʋʋ se ɖaʋ yɔɔ Yesu sɩba, pɩtɩkɛ kaamaŋgaɣ yɔɔ. Pɩtasɩ lɛ, Bibl ɖʋ paɣtʋ Krɩstʋ ñɩma kpayɩ se pese «sɩɩnaa latʋ.» Pʋyɔɔ lɛ, pɩtɩpɔzɩ se palabɩnɩ tʋmɩyɛ kaamaŋgaɣ pɛ-Ɛsɔ sɛtʋ taa.—1 Kɔrɛntɩ mba 10:14; 1 Yohanɛɛsɩ 5:21.

Yesu yɔɔdɩ kpayɩ se: «Ye sɔɔlɩm ɛwɛ mɩ-hɛkʋ taa yɔ, piyeki nɛ ɛyaa tɩŋa tɩlɩ se ɩkɛ mɔn-tɔmkpɛlɩkɩyaa.» (Yohanɛɛsɩ 13:34, 35) Yesu tɔm tʋnɛ tɩwɩlɩɣ se sɔɔlɩm siŋŋ kɛnɩnɩ yʋsaɣ ŋga patɩlɩɣnɩ ɛ-wayɩ tɩŋɩyaa yɔ, pɩtɩkɛ kaamaŋgaɣ yaa kɩlɛmʋʋ nakʋyʋ.