17 Février kpɩtaʋ taa ɖʋtʋ

KPƖTAƲ ŊGƲ KƖPAƔZƖƔ 17 FÉVRIER YƆ

Hendu 15 nɛ adɩma

□ Ɛgbɛyɛ taa Bibl kpɛlɩkʋʋ:

lv ñʋʋ 2 § 17-21 nɛ tɔm taa cuuzuu aɖakaɣ (C. 30)

□ Ɛsɔ sɛtʋ tɛ teokrasɩ sukuli:

Bibl kalʋʋ: Kiɖe Tɛɛ Tɔm 29-31 (C. 10)

No. 1: Kiɖe Tɛɛ Tɔm 29:21-35 (C. 4 yaa pɩtaatalɩ mbʋ)

No. 2: Ɛzɩ Ɛsɔ keŋni-ɖʋ?—fg ñʋʋ 2 § 4 (C. 5)

No.  3: Enɔɔkɩ ha kɩɖaʋ abalɩtʋ nɛ kpekpeka pɔ-hɔɔlʋʋ taa.—my kɛdaɣ 7 (C. 5)

Ɛsɔ sɛtʋ kediɣzaɣ:

Hendu 92

C. 10: Susi tɔm nɛ taa leleŋ. Tɩŋnɩ École du ministère takayaɣ hɔɔlʋʋ 118, § 1 nɛ piwolo 119 § 5 yɔɔ nɛ ŋtazɩ tɔm taa.

C. 5: Ŋwɛɛ nɛ ŋlakɩnɩ tʋmɩyɛ jw.org ñɔ-tɔm susuu taa? Tɔm taa tazʋʋ. Koobiya labɩnɩ tʋmɩyɛ jw.org tɔm susuu taa lɛ, ɛbɛ lɩ pɩ-taa? Pɔzɩ-wɛ nɛ peheyi-ŋ. Ŋŋtɛzɩɣ ñɔ-tɔm lɛ, seɣti koobiya se pañaɣ pana nɛ pehiɣ waɖɛ naɖɩyɛ lɛ, peheyi lalaa ɖɛ-tɛ Intɛrnɛɛtɩ lone tɔm.

C. 15: “Yele nɛ Krɩstʋ sɩm yɔɔ tɔzʋʋ alɩwaatʋ kɛnɩ leleŋ ñɩndʋ!” Tɔm pɔzʋʋ nɛ cosuu. Mba alaafɩya ɛɛtalɩɣ-wɛ yaa mba powoki tʋmɩyɛ paa ɖooye yɔ, ɛlɛ paɖʋwa se pakaɣ nʋmɔʋ lɩzʋʋ sɩnɩyʋ tʋmɩyɛ labʋ yɔ, pɔzɩ-wɛ nɛ pɔyɔɔdɩ ɖʋtʋ ndʋ palaba se pɩsɩnɩ-wɛ nɛ posuyi pɔ-tɔm susuu tʋmɩyɛ yɔ. Ɩɩtazɩɣ tayʋʋ 3 taa lɛ, pɔzɩ Ɛsɔ sɛtʋ tʋmɩyɛ yɔɔ cɔnɩyʋ nɛ ɛyɔɔdɩ tɔm susuu kediɣzisi nzɩ paɖʋwa se pakaɣ labʋ mars, avril nɛ mai taa yɔ.

Hendu 8 nɛ adɩma

Yele nɛ Krɩstʋ sɩm yɔɔ tɔzʋʋ alɩwaatʋ kɛnɩ leleŋ ñɩndʋ!

1. Ɛbɛ ɖɩpɩzɩɣ ɖɩla nɛ ɖa-taa leleŋ paɣlɩ Krɩstʋ sɩm yɔɔ tɔzʋʋ alɩwaatʋ taa nɛ pɩkɩlɩ?

¹ Ŋsɔɔlaa se ña-taa leleŋ ɛpaɣlɩ mars, avril nɛ mai taa nɛ pɩkɩlɩ yaa we? Ye ŋsɔzɩ ñɔ-tɔm susuu yɔɔ nɛ pɩha-ŋ nʋmɔʋ se ŋkɛ nʋmɔʋ lɩzʋʋ sɩnɩyʋ yɔ, pɩsɩɣnɩ-ŋ nɛ ña-taa leleŋ ɛnʋ ɛpaɣlɩ. Ɛlɛ ɛzɩma tɩyɛ pɩpɩzɩɣ nɛ pɩla mbʋ?

2. Ye ɖɩsɔzɩ ɖɔ-tɔm susuu tʋmɩyɛ yɔ, ɛzɩma pɩhaɣ-ɖʋ taa leleŋ?

² Yele nɛ ña-taa leleŋ paɣlɩ: Yehowa lɩzɩ-ɖʋ se ɖɩsɛɛ-ɩ nɛ ɖɩcɔnɩ ɖe-fezuu taa kɩcɛyɩm mbʋ palʋlɩnɩ-ɖʋ yɔ pi-ɖeɖe nɛ ɖihiɣ taa leleŋ. (Maatiyee 5:3) Ɛlɩzɩ-ɖʋ ɖɔɖɔ se ɖɩsɩɣnɩ lalaa nɛ pɩhaɣ-ɖʋ taa leleŋ. (Tʋma Labʋ 20:35) Tɔm susuu haɣ-ɖʋ waɖɛ se ɖɩla tʋma anɛ a-naalɛ: Pɩhaɣ-ɖʋ waɖɛ se ɖɩsɛɛ Ɛsɔ nɛ ɖɩtɛ ɖɩsɩnɩ lalaa. Ye ɖisusuu tɔm ɖoŋ ɖoŋ nɛ pɩkɩlɩ yɔ, ɖihikiɣ taa leleŋ nɛ pɩkɩlɩ ɖɔɖɔ. Pɩtasɩ lɛ, ye ɖisusuu tɔm sakɩyɛ yɔ, ɖɩwɛɣ niye tɔm susuu taa pɩdɩɩfɛyɩ nɛ sɔɔndʋ ɛɛtasɩɣ-ɖʋ kpaʋ. Ðɩwɛɣnɩ wala sakɩyɛ nɛ ɖɩlɩzɩ aseɣɖe nɛ ɖa nɛ ɛyaa ɖɩpaɣzɩ Bibl kpɛlɩkʋʋ. Pɩtɩŋa payɩ mbʋ yɔ piyekina nɛ tɔm susuu tʋmɩyɛ lakɩ leleŋ nɛ pɩkɩlɩ.

3. Ɛbɛ yɔɔ mars nɛ avril pɛkɛ fenasɩ kɩbanzɩ nzɩ sɩ-taa ɛyʋ pɩzɩɣ nɛ ɛla nʋmɔʋ lɩzʋʋ sɩnɩyʋ tʋmɩyɛ yɔ?

³ Mars nɛ avril pɛkɛ fenasɩ kɩbanzɩ nzɩ sɩ-taa ɛyʋ pɩzɩɣ nɛ ɛla nʋmɔʋ lɩzʋʋ sɩnɩyʋ tʋmɩyɛ yɔ, mbʋ pʋyɔɔ yɔ, ɛpɩzɩɣ nɛ ɛlɩzɩ se esusuu tɔm ñɩɣtʋ 30 yaa 50. Pɩtasɩ lɛ, kpaɣnɩ mazaɣ 22 mars wiye nɛ pɩkɔɔ pɩtalɩ Yesu sɩm yɔɔ tɔzʋʋ wiye 4 avril lɛ, ɖɩkaɣ labʋ ŋgee tɔm susuu nɛ ɖɩtayɩ Yesu sɩm yɔɔ tɔzʋʋ yaʋ takayɩsɩ. Taa leleŋ kaɣ ɖɔʋ ɛgbɛyɛ taa mbʋ pʋyɔɔ yɔ, koobiya sakɩyɛ kaɣ ‘kpɛndʋʋ nɛ pala tʋmɩyɛ’ po-kooka kpeekpe taa ɛzɩ papɩzʋʋ yɔ.​—Sofoniya 3:9.

4. Ye ɖɩsɔɔlaa se ɖɩkɛ nʋmɔʋ lɩzʋʋ sɩnɩyʋ yɔ, ɛbɛ pɩwɛɛ se ɖɩla?

⁴ Ñɔɔzɩ ña-tɩ lɛɛlɛɛyɔ: Ye ŋtɩkpaɣtɩ lɩmaɣza lɛɛlɛɛyɔ se ŋkɛ nʋmɔʋ lɩzʋʋ sɩnɩyʋ yɔ, pɩtalaa se ŋkpaɣ alɩwaatʋ nɛ ŋcɔnɩ nɛ ŋna ɛzɩma ŋpɩzɩɣ nɛ ŋñɔɔzɩ ña-ɖʋtʋ nɛ ŋsɔzɩ ñɔ-tɔm susuu tʋmɩyɛ fenaɣ kʋɖʋmaɣ yaa fenasɩ naalɛ taa yɔ. Tɩmɩ pɩ-yɔɔ. (Yakubu 1:5) Ɩyɔɔdɩ-tʋ mɩ-hɔʋ taa nɛ ŋpɔzɩ ɖɔɖɔ lɔŋ tasʋʋ ɛgbɛyɛ taa koobiya lalaa. (Aduwa 15:22) Pɩtɩla ŋkaɣ ɖiɣzinuu se paa alaafɩya yaa alɩwaatʋ ɛɛtalɩɣ-ŋ yɔ, ŋpɩzɩɣ nɛ ŋñaɣ pana nɛ ŋla nʋmɔʋ lɩzɩyʋ sɩnɩyʋ tʋmɩyɛ nɛ ŋhiɣ taa leleŋ.

5. Ye ɖɩsɔzɩ ɖɔ-tɔm susuu tʋmɩyɛ Krɩstʋ sɩm yɔɔ tɔzʋʋ alɩwaatʋ taa yɔ, pee wena pɩkaɣ lʋlʋʋ?

⁵ Yehowa sɔɔlaa se ɛ-sɛyaa ɩwɛɛ taa leleŋ taa. (Keɣa 31:11) Ye ɖɩñaɣ pana nɛ ɖɩsɔzɩ ɖɔ-tɔm susuu tʋmɩyɛ Krɩstʋ sɩm yɔɔ tɔzʋʋ alɩwaatʋ taa yɔ, ɖɩkaɣ hiɣu taa leleŋ nɛ pɩkɩlɩ nɛ pɩkaɣ haʋ taa leleŋ ɖɔɖɔ ɖa-Caa weyi ɛwɛ ɛsɔdaa yɔ.​—Aduwa 23:24; 27:11.