TƆM KƖKPƐLƖKƖTƲ 58
Wɛɛ siɣsiɣ Yehowa ɛsɩndaa
Toovenim Krɩstʋ mba lakɩ mbʋ payɩ papɩzɩɣ yɔ se nabʋyʋ yaa nɔɔyʋ ɛtaawɛɛkɩ taabalɩyɛ nɖɩ ɖɩwɛ pa nɛ Yehowa pɛ-hɛkʋ taa yɔ. Pɩtʋʋ fɛyɩ se mbʋ ña ɖɔɖɔ ŋsɔɔlaa. Ñe-siɣsiɣ wɛtʋ mʋ ñɩm siŋŋ Yehowa ɛsɩndaa. (Kalɩ 1 Kroniiki 28:9.) Wɛtʋ ndʋ pɩzɩɣ tiyele nɛ pɩwɛ-ŋ kaɖɛ se ŋɖɔkɩ ñe-siɣsiɣ wɛtʋ ɛ-ɛsɩndaa? Nɛ ɛzɩma ŋpɩzɩɣ nɛ ŋlʋbɩnɩ wɛtʋ ndʋ?
1. Ɛzɩma lalaa pɩzɩɣ peyele nɛ pɩwɛɛ-ɖʋ kaɖɛ se ɖɩɖɔkɩ ɖe-siɣsiɣ wɛtʋ Yehowa ɛsɩndaa?
Ɛyaa nabɛyɛ ñɩnɩɣ se potuyi-ɖʋ nɛ ɖiyele Yehowa sɛʋ. Ɛyaa mba ñɩnɩɣ se pala mbʋ? Pa-taa nabɛyɛ lɛ mba poposini toovenim nɛ pɔyɔɔdʋʋ cɛtɩm tɔm Ɛsɔ ɛgbɛyɛ yɔɔ se pacamɩ ɖe-tisuu yɔ. Payaɣ-wɛ se tisuu yebiyaa. Pɩtasɩ lɛ, Ɛsɔ sɛtʋ agbaa ñʋndɩnaa nabɛyɛ susuu cɛtɩm tɔm ɖɔ-yɔɔ se pɩsa nɛ potuyi Krɩstʋ mba nabɛyɛ nɛ paha siɣye toovenim. Ye ɖɩkpakɩɣ alɩwaatʋ nɛ ɖa nɛ koyindinaa mba ɖɩyɔɔdʋʋ, ɖɩkalɩɣ pa-takayɩsɩ, ɖiwelisiɣ tɔm ndʋ pɔyɔɔdʋʋ réseaux sociaux waa, intɛrnɛɛtɩ yaa videowaa taa yɔ, pɩpɩzɩɣ nɛ pɩkɔnɩ-ɖʋ kaɖɛ. Yesu yɔɔdaɣ ɛyaa mba pañɩnɩɣ se pitibi-ɖʋ yɔɔɔ nɛ ɖiyele ɖɔkʋʋ ɖe-siɣsiɣ wɛtʋ Yehowa ɛsɩndaa yɔ pɔ-tɔm lɛ, ɛtɔm se: «Iyele-wɛ. Nʋmɔʋ wɩlɩyaa yʋlʋmaa pɛkɛnaa. Ye yʋlʋm ɛwɩlɩɣ yʋlʋm nʋmɔʋ yɔ, pa-naalɛ pakaɣ tɔlʋʋ pɔʋ taa.»—Maatiyee 15:14.
2. Lɩmaɣza wena ɖɩpɩzɩɣ ɖɩkpaɣ nɛ pɩkɔnɩ kaɖɛ ɖa nɛ Yehowa ɖa-taabalɩyɛ?
Ðɩsɔɔlɩ Yehowa nɛ pʋyɔɔ lɛ ɖɩtɩsɔɔlɩ se nɔɔ kʋɖʋmaɣ nakɛyɛ ɛwɛɛ ɖa nɛ cɛtɩm Ɛsɔ sɛtʋ agbaa ɖɛ-hɛkʋ taa. Ðɩtɩsɔɔlɩ se ɖɩwɛɛ ɛgbɛyɛ naɖɩyɛ taa yaa ɖɩla tʋmɩyɛ nɖɩ ɖɩ-taa pasandɩɣ cɛtɩm Ɛsɔ sɛtʋ wɩlɩtʋ yaa tɩ-sɔnzɩ yɔ. Yehowa yɔɔdɩ «Babilɔɔnɩ Sɔsɔʋ» tɔm nɛ ɛpaɣ-ɖʋ se: «Ɩlɩɩ kɩ-taa, man-samaɣ.»—Natʋ 18:2, 4.
TAZƖ NƐ PILIMI
Tazɩ nɛ ŋna ɛzɩma ɖɩpɩzɩɣ nɛ ɖise mbʋ payɩ pɩpɩzɩɣ piyele se ɖɩtaaɖɔkɩ ɖe-siɣsiɣ wɛtʋ Yehowa ɛsɩndaa yɔ. Na ɖɔɖɔ ɛzɩma ŋpɩzɩɣ nɛ ŋlɩɩ Babilɔɔnɩ Sɔsɔʋ taa nɛ ŋwɩlɩ se ŋwɛ siɣsiɣ Yehowa ɛsɩndaa yɔ.
3. Kpa ña-tɩ nɛ cɛtɩm wɩlɩtʋ
Ye nabɛyɛ ɛyɔɔdʋʋ tɔm kɩdɛkɛdɩtʋ Yehowa ɛgbɛyɛ yɔɔ yɔ, ɛbɛ pɩwɛɛ se ɖɩla? Ɩkalɩ Aduwa 14:15, nɛ pʋwayɩ lɛ ɩtazɩ tɔm tʋnɛ tɩ-taa:
Ɛbɛ yɔɔ pɩwɛɛ se ɖɩkpa ɖa-tɩ nɛ ɖitaatisiɣ tɔm ndʋ payɩ ɖɩnɩɣ yɔ tɩ-yɔɔ?
Ɩkalɩ 2 Yohanɛɛsɩ 9-11, nɛ pʋwayɩ lɛ ɩtazɩ tɔm tʋnɛ tɩ-taa:
Wɛtʋ ndʋ pɩwɛɛ se ɖɩwɛɛnɩ tisuu yebiyaa yɔɔ?
Paa ɖa-maɣmaɣ ɖɩɩñɔtʋʋnɩ tisuu yebiyaa yɔ, nʋmɔŋ weyi ɩ-yɔɔ papɩzɩɣ patɩŋna nɛ pa-wɩlɩtʋ talɩ-ɖʋ nɛ tɩwɛɛnɩ ɖoŋ ɖɔ-yɔɔ?
Ña-naʋ taa yɔ, ye ɖiwelisiɣ tɔm kɩdɛkɛdɩtʋ ndʋ ɛyaa yɔɔdʋʋ Yehowa yaa ɛ-ɛgbɛyɛ yɔɔ yɔ, ɛzɩma pɩlakɩ-ɩ?
4. Ðɔkɩ ñe-siɣsiɣ wɛtʋ kpam Yehowa ɛsɩndaa alɩwaatʋ ndʋ koobu nɔɔyʋ lakɩ kɩdɛkɛdɩm yɔ
Ye ɖɩnɩwa se ɛgbɛyɛ taa koobu nɔɔyʋ labɩ kɩwɛɛkɩm yɔ, ɛbɛ pɩcɛyaa se ɖɩla? Yehowa kaaɖʋ paɣtʋ natʋyʋ caanaʋ taa Izrayɛɛlɩ mba. Tɩ-taa paɣtʋ kiɖe naɖɩyɛ wɩlɩɣ-ɖʋ mbʋ pɩwɛɛ se ɖɩla yɔ. Ɩkalɩ Levitiki 5:1.
Ɛzɩ pɔyɔɔdʋʋ mayaɣ kanɛ ka-taa yɔ, ye ɖɩnɩwa se koobu nɔɔyʋ labɩ kɩwɛɛkɩm yɔ, pɩpɔzʋʋ se ɖiheyi ɛgbɛyɛ taa ɛzʋtʋyaa. Ɛlɛ pʋcɔ nɛ ɖɩla mbʋ lɛ, pɩwɛɣ ɖeu se ɖiseɣti kɩwɛɛkɩm laɖʋ nɛ ɛ-maɣmaɣ ewolo nɛ eheyi ɛzʋtʋyaa ɛ-kɩwɛɛkɩm. Ye ekizaa yɔ, pɩwɛɛ se ɖɩwɩlɩ se ɖɩwɛ siɣsiɣ Yehowa ɛsɩndaa nɛ ɖiyele nɛ ɛzʋtʋyaa tɩlɩ ndʋ ɖɩsɩma yɔ. Ye ɖɩlabɩ mbʋ yɔ ɛzɩma pɩwɩlɩɣ se ɖɩwɛnɩ sɔɔlɩm mbʋ pɩwɛ siɣsiɣ yɔ . . .
Yehowa yɔɔ?
weyi ɛlabɩ kɩwɛɛkɩm yɔ ɛ-yɔɔ?
ɛgbɛyɛ taa koobiya lalaa yɔɔ?
Ye ño-koobu Krɩstʋ tʋ nɔɔyʋ ɛlabɩ kɩwɛɛkɩm sɔsɔm nabʋyʋ yɔ, la mbʋ pɩpɔzʋʋ yɔ nɛ ŋsɩnɩ-ɩ!
5. Posi ña-tɩ nɛ Babilɔɔnɩ Sɔsɔʋ
Ɩkalɩ Luka 4:8 nɛ Natʋ 18:4, 5; nɛ pʋwayɩ lɛ ɩtazɩ tɔm tʋnɛ tɩ-taa:
Ɛzɩ ma-hɩɖɛ kpɛndɩ ɖɩwɛ cɛtɩm Ɛsɔ sɛtʋ ɛgbɛyɛ naɖɩyɛ ɛyaa hɩla taa nɛ pɩwɩlɩɣ se mɛnkɛ ɖɩ-taa tʋ na?
Mɛwɛ ɛgbɛyɛ nɖɩ ɖɩɖʋʋ nesi cɛtɩm Ɛsɔ sɛtʋ ɛgbɛyɛ naɖɩyɛ yɔ ɖɩ-taa?
Tʋmɩyɛ nɖɩ malakɩ yɔ, ɖɩɖʋʋ nesi cɛtɩm Ɛsɔ sɛtʋ hɔɔlɩŋ nɩɩyɩ taa?
Ɛzɩ pɩpɔzʋʋ se monposi man-tɩ nɛ cɛtɩm Ɛsɔ sɛtʋ me-wezuu caɣʋ hɔɔlɩŋ nɩɩyɩ taa?
Ye moncosi tɔm pɔzʋʋ pʋnɛ pɩ-taa nabʋyʋ yɔɔ se ɛɛɛ yɔ, lɛɣzɩtʋ ndʋ pɩwɛɛ se mala?
Paa wɛtʋ ndʋ tɩ-taa lɛ, kpaɣ lɩmaɣza wena ayeki nɛ ŋwɛɛnɩ ɛhʋyɛ kɩbanɖɛ nɛ pɩwɩlɩ se ŋwɛ siɣsiɣ Yehowa ɛsɩndaa yɔ.
Ye pɔpɔzɩ-ŋ se ŋla haɖɛ nɛ ŋɖʋ nesi sɩnʋʋ tʋma wena Ɛsɔ sɛtʋ ɛgbɛyɛ naɖɩyɛ lakɩ yɔ, ɛbɛ ŋkaɣ labʋ?
NABƐYƐ YƆƆDƲƲ SE: «Pɩpɔzʋʋ se mantɩlɩ tɔm ndʋ tisuu yebiyaa yɔɔdʋʋ Yehowa Aseɣɖe Tɩnaa yɔɔ yɔ nɛ pɩsa nɛ manpɩzɩ nɛ malʋ toovenim tɔm yɔɔ.»
Ŋmaɣzɩɣ se pɩkɛ lɩmaɣzɩyɛ kɩbanɖɛ na? Ɛbɛ yɔɔ?
TOBI LƐ
Pɩsa nɛ ɖɩwɛɛ siɣsiɣ Yehowa ɛsɩndaa lɛ, pɩpɔzʋʋ se ɖise mba pañakɩ pana se pepeɣzi-ɖʋ yɔ.
Tɔm taa tazʋʋ
Ɛbɛ yɔɔ pɩfɛyɩ se ɖiwelisi tisuu yebiyaa tɔm?
Ye ɖɩnɩwa se koobu nɔɔyʋ labɩ kɩwɛɛkɩm sɔsɔm nabʋyʋ yɔ, ɛbɛ pɩwɛɛ se ɖɩla?
Ɛzɩma ɖɩpɩzɩɣ nɛ ɖɩwɩlɩ se ɖɩlɩ cɛtɩm Ɛsɔ sɛtʋ taa toovenim?
WONDU LƐƐTƲ
Kalɩ nɛ ŋna mbʋ pɩwɛɛ se ɖɩla ye lalaa ɩyɔɔdʋʋ tɔm kɩdɛkɛdɩtʋ Yehowa Aseɣɖe Tɩnaa yɔɔ yɔ.
«Ŋtazɩ camɩyɛ nɛ ŋna se pɩkɛ toovenim na?» (Feŋuu Tilimiye, août 2018)
Ɛbɛ pɩwɛɛ se ŋla nɛ ŋtɩlɩ agbaa yaa tʋma wena aɖʋʋ nesi Babilɔɔnɩ Sɔsɔʋ yɔ?
Ɛbɛ ɖo-koyindinaa nabɛyɛ ñakɩ pana nɛ palakɩ se pacamɩ ɖe-tisuu?
Kalɩ tɔm ñʋʋ «Je recherchais Dieu depuis mon enfance» nɛ ŋna ɛzɩma Shinto Ɛsɔ sɛtʋ taa cɔjɔ nɔɔyʋ ha siɣye Ɛsɔ sɛtʋ ndʋ yɔ.
«La Bible transforme des vies» (La Tour de Garde, 1er juillet 2011)