Yehowa
Ɛ-hɩɖɛ
Hɩɖɛ «Yehowa» tɔbʋʋ nɩʋ pɩzɩɣ pɩkɛ «Eyeki nɛ pɩpɩsɩɣ» yaa «Eyeki nɛ pɩlakɩ»
Ɛbɛ Yehowa pɩsɩɣ yaa tʋmɩyɛ nɖɩ ɛlakɩ se pɩsa nɛ ɛcɔnɩ ɛ-sɛyaa yɔɔ?
Ɛbɛ yɔɔ Ɛsɔ hɩɖɛ yɔɔ ñalʋʋ tɔm kɩlɩnɩ cɛyʋʋ?
Yehowa weyi ɛkɛ kedeŋa kpeekpe Wiyaʋ yɔ, ɛbɛ yɔɔ ɛmʋnaa se paa weyi ɛñamɩ-ɩ?
Yehowa hɩla kɩsɛsɛna naayɛ
Caa—Mat 6:9; Yoh 5:21
Ðoŋ Tɩŋa Tʋ—Kiɖ 17:1; Nat 19:6
Kaaʋ—Wp 32:4; Iza 26:4
Kɩbaɣlʋ Kɩlɩm—Iza 25:8; Am 3:7
Kɩlɩm—Kiɖ 14:18-22; Ke 7:17; Ebr 1:3; 8:1
Tamtam Wiyaʋ—1Ti 1:17; Nat 15:3
Wɩlɩyʋ Sɔsɔ—Iza 30:20
Yoyaa tɛ Yehowa—1Sa 1:11
Yehowa wɛtʋ kɩbandʋ natʋyʋ
Ɛzɩma Yehowa wɩlɩ kpayɩ kpayɩ se ɛkɛ kiɖeɖeu, nɛ ɖoŋ weyi pɩwɛɛ se pɩwɛɛnɩ ɛ-sɛyaa yɔɔ?
Ejl 28:36; Lev 19:2; 2Kɔ 7:1; 1Pɩ 1:13-16
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Iza 6:1-8—Nayʋ Izaayii na Yehowa kele kele wɛtʋ natʋ natʋyʋ taa lɛ, kiɖe tɛɛ lɛ pɩɩɖɩɣzɩ-ɩ kpem; ɛlɛ Ɛsɔ tiyiyu nɔɔyʋ tɔzɩ-ɩ se paa ɛyʋ ɛkɛ kɩwɛɛkɩm laɖʋ yɔ, ɛpɩzɩɣ nɛ ɛwɛɛ kele kele Ɛsɔ ɛsɩndaa
Rom 6:12-23; 12:1, 2—Apostoloo Pɔɔlɩ wɩlɩ ɛzɩma ɖɩpɩzɩɣ nɛ ɖɩlʋbɩnɩ kɩwɛɛkɩm nɛ ɖiwolo pɩ-yɔɔ nɛ ɖɩɖɔŋ «kele kele wɛtʋ nʋmɔʋ taa» yɔ
Papɩzɩɣ nɛ pakpaɣ Yehowa ɖoŋ nɛ pamaɣzɩnɩ nɔɔyʋ ñɩŋ na? Nʋmɔŋ weyi ɩ-yɔɔ Yehowa tɩŋɩɣna nɛ ɛlakɩnɩ e-ɖoŋ tʋmɩyɛ?
Ejl 15:3-6; 2Kr 16:9; Iza 40:22, 25, 26, 28-31
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Wp 8:12-18—Moyizi tɔzɩ Izrayɛɛlɩ piya se sɩwɛnɩ wondu kɩbandʋ sakɩyɛ mbʋ pʋyɔɔ yɔ Yehowa labɩnɩ e-ɖoŋ tʋmɩyɛ nɛ ɛwazɩ-sɩ
1Aw 19:9-14—Yehowa wɩlɩ nayʋ Eliya e-ɖoŋ sɔsɔŋ nɛ ɛkpazɩnɩ-ɩ ɖoŋ
Ɛbɛ yɔɔ ɖɩpɩzɩɣ nɛ ɖɩtaa Yehowa siɣsiɣ wɛtʋ liu kiya?
Wp 32:4; Yɔb 34:10; 37:23; Ke 37:28; Iza 33:22
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Wp 24:16-22—Paɣtʋ ndʋ Yehowa cɛlɩ Moyizi yɔ tɩwɩlɩɣ se paa ɛzɩmtaa lɛ, ɛwɛ siɣsiɣ, ɛwɛnɩ sɔɔlɩm nɛ ɛkɛ pʋtɔdɩyɛ nayʋ
2Kr 19:4-7—Wiyaʋ Yozafaatɩ tɔzɩ tɔm hʋyaa mba ɛɛlɩzaa yɔ se mbʋ Yehowa tɔma se pɩwɛ siɣsiɣ yɔ, mbʋ pɩwɛɛ se piɖiyi-wɛ pa-tʋmɩyɛ taa pɩtaakɛ ndʋ ɛyaa yɔɔdʋʋ yɔ
Ɛbɛ wɩlɩɣ se Yehowa kpaɖɩnɩ lɔŋ?
Ke 104:24; Adu 2:1-8; Yer 10:12; Rom 11:33; 16:27
Cɔnɩ ɖɔɖɔ Ke 139:14; Yer 17:10
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
1Aw 4:29-34—Yehowa wazɩ Wiyaʋ Salomɔɔ nɛ ɛha-ɩ lɔŋsɩnɖɛ sɔsɔyɛ nɖɩ nɔɔyʋ taawɛɛnɩ ɛ-alɩwaatʋ taa yɔ
Luk 11:31; Yoh 7:14-18—Yesu kaawɛnɩ lɔŋsɩnɖɛ kpem nɛ pɩkɩlɩ Salomɔɔ, paa mbʋ yɔ eeluzi ɛ-tɩ nɛ etisi se ɛ-lɔŋsɩnɖɛ lɩnɩ Yehowa cɔlɔ
Ɛzɩma Yehowa wɩlaa se sɔɔlɩm kɛnɩ ɛ-wɛtʋ ndʋ tɩkpaɖaa yɔ?
Yoh 3:16; Rom 8:32; 1Yo 4:8-10, 19
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Mat 10:29-31—Yesu kpaɣ cɩʋcɩʋnaa kɩɖaʋ nɛ ɛwɩlɩnɩ ɛzɩma Yehowa sɔɔlɩ ɛyaa mba pɛsɛɣ-ɩ yɔ pa-taa paa weyi yɔ, nɛ ɛzɩma pamʋ ñɩm ɛ-ɛsɩndaa yɔ
Mak 1:9-11—Yehowa yɔɔdɩnɩ Yesu nɛ ɛsɔdaa kiŋ nɛ eheyi-i se ɛsɔɔlɩ-ɩ nɛ pɩkɛdɩnɩ-ɩ se Yesu kɛ ɛ-Pɩyalʋ. Pɩkɛnɩ kɩɖaʋ kɩbaŋʋ lʋlɩyaa mbʋ pʋyɔɔ yɔ piya tɩŋa sɔɔlaa se sɩ-lʋlɩyaa iheyi-sɩ tɔm ndʋ
Lɩmaɣza lɛɛna wena yɔɔ ɖɩsɔɔlɩ Yehowa? Pɩtasɩna se Bibl yɔɔdʋʋ Yehowa wɛtʋ kɩbandʋ sakɩyɛ tɔm lɛ, kiheyiɣ-ɖʋ ɖɔɖɔ se . . .
Ɛ-hɩɖɛ sɛwa—Ke 8:1; 148:13
Ɛɛlɛɣzɩɣ; ɖɩpɩzɩɣ nɛ ɖɩtaa-ɩ liu—Mal 3:6; Yak 1:17
Ɛkɛ koboyaɣ tʋ—1Ti 1:11
Ɛkɛ kʋjɔʋ tʋ—Ke 104:13-15; 145:16
Ɛkɛ laŋhɛzɩyɛ tɛ Ɛsɔ—Flp 4:9
Ɛkɛ pʋtɔdɩyɛ nayʋ—Ejl 34:6
Ɛwɛ siɣsiɣ—Ke 7:9; Nat 15:4
Ɛlakɩ camɩyɛ lakasɩ—Luk 6:35; Rom 2:4
Ɛmʋnɩ samtʋ sɔsɔtʋ—Nat 4:1-6
Ɛnaɣ pɩtɩŋa—2Kr 16:9; Adu 15:3
Ɛnɩɣ ɛyaa wɩzasɩ—Iza 49:15; 63:9; Zak 2:8
Ɛwɛ suuɖu—Iza 30:18; 2Pɩ 3:9
Ɛwɛ tam; ɛfɛyɩnɩ ɖɩbazɩyɛ nɛ ɛfɛyɩnɩ ɖɩdɛnɖɛ—Ke 90:2; 93:2
Ɛwɛnɩ tɩ luzuu—Ke 18:35
Ye ɖɩñaɣ pana nɛ ɖɩtɩlɩ Yehowa camɩyɛ nɛ pɩkɩlɩ yɔ, ɛbɛ piseɣtiɣ-ɖʋ nɛ ɖɩla?
Wp 6:4, 5; Mak 12:28-32
Ɛzɩma ɖɩpɩzɩɣ nɛ ɖɩsɛɛ Yehowa?
Ɛbɛ wɩlɩɣ se Yehowa ɛɛpɔzʋʋ-ɖʋ se ɖɩla mbʋ pɩcɛzɩ ɖo-ɖoŋ kamaɣ yɔ?
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Wp 30:11-14—Paɣtʋ ndʋ Ɛsɔ kaatɩŋnɩ Moyizi yɔɔ nɛ ɛcɛlɩ Izrayɛɛlɩ mba yɔ tɩtaakɩlɩ-wɛ kaɖɛ
Mat 11:28-30—Yesu, weyi ɛmaɣzɩɣnɩ ɛ-Caa kiya yɔ, eheyi ɛ-wayɩ tɩŋɩyaa se ɛkɛ ñʋʋdʋ weyi ɛhɛzɩɣ laŋa yɔ
Ɛbɛ yɔɔ Yehowa mʋnaa se ɖɩcɛlɩ-ɩ samtʋ kpeekpe?
Ke 105:1, 2; Iza 43:10-12, 21
Cɔnɩ ɖɔɖɔ Yer 20:9; Luk 6:45; Tʋm 4:19, 20
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Ke 104:1, 2, 10-20, 33, 34—Bibl mayʋ nɔɔyʋ sam Yehowa wondu ndʋ ɛlɛ lɩzaa yɔ tɩ-yɔɔ
Ke 148:1-14—Mbʋ payɩ Yehowa lɩzaa yɔ, pɩkpɛndɩnɩ Ɛsɔ tiyiyaa, pɛcɛlɩɣ-ɩ samtʋ; nɛ mbʋ ɖɔɖɔ pɩwɛɛ se ɖɩla
Ɛzɩma ɖɔ-ɖɔnɛ pɩzɩɣ ɖiyele nɛ lalaa ha samtʋ Yehowa?
Ɛbɛ yɔɔ pɩwɛɛ se ɖɩñaɣ pana nɛ ɖɩñɔtɩnɩ Yehowa kpam?
Ye ɖɩsɔɔlaa se ɖɩkɛ Yehowa taabalʋ yɔ, ɛbɛ yɔɔ pɩcɛyaa se ɖɩwɛɛnɩ tɩ luzuu?
Ye ɖɩsɔɔlaa se ɖɩñɔtɩnɩ Yehowa kpam yɔ, ɛbɛ yɔɔ pɩcɛyaa se ɖɩkalɩɣ Bibl nɛ ɖɩmaɣzɩɣ tɔm ndʋ ɖɩkalɩɣ yɔ tɩ-yɔɔ?
Ɛbɛ yɔɔ pɩcɛyaa kpem se ɖɩɖɔ tɔm ndʋ ɖɩkpɛlɩkɩɣ Yehowa yɔɔ yɔ tɩ-yɔɔ?
Ɛbɛ yɔɔ pɩtɩpɔzɩ kaaʋ se ɖɩñɩnɩ se ɖɩmɛsɩɣ nabʋyʋ Yehowa?
Yɔb 34:22; Adu 28:13; Yer 23:24; 1Ti 5:24, 25
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
2Aw 5:20-27—Gehaazi ñaɣ pana se ɛmɛsɩ ɛ-kɩwɛɛkɩm, ɛlɛ Yehowa yeba nɛ ɛ-nayʋ Eliizee tɩlɩ mbʋ Gehaazi laba yɔ
Tʋm 5:1-11—Anaanɩyaasɩ nɛ Safiira pañaɣ pana se pɛmɛsɩ pa-kɩwɛɛkɩm, ɛlɛ Yehowa kuli pɩ-yɔɔ nɛ ɛhɔ pa-nɩŋgbaaŋ pɛ-cɛtɩm yɔɔ