Ini Cha ti no Ziba ne Kwe Dzikathulo Dza Jehova mu Chibaka Chi no Zha?

1. Ini ku ngayi to chila mu zwibaka zwi no shathisa?

RE TSHELA mo dinakong tse di itumedisang tota ka gonne re kgona go bona dilo tse dintsi tse Baebele e di boleletseng pele di direga. Ka sekai, re bona “kgosi ya bokone” le “kgosi ya borwa” di lwela go busa. (Dan. 11:40, ntlh.) Gape re bona batho mo lefatsheng lotlhe ba rerelwa dikgang tse di molemo tsa Bogosi Jwa Modimo, e bile ba le bantsi ba simolola go direla Jehofa. (Isa. 60:22; Math. 24:14) Mo godimo ga moo, re itumelela dilo tse dintsi tse phuthego ya ga Jehofa e re nayang tsone “ka nako e e siameng” gore re tswelele re atamalane le Jehofa.​—Math. 24:45-47.

2. Ti nga themba kuti kowo shingikalani, ngono ini cha ta ka fanila yela njele?

² Jehofa o nna a re thusa go tlhaloganya ditiragalo tsa botlhokwa tse di tlileng go direga mo nakong e e sa fediseng pelo. (Diane 4:18; Dan. 2:28) Re tlhatswegile pelo gore fa pitlagano e kgolo e simologa, re tla bo re itse gore re tshwanetse go dira eng gore re kgone go itshoka le gore re tswelele re dirisana ka kutlwano mo nakong eo e e thata. Le fa go ntse jalo, re tshwanetse go lemoga gore go na le dilo dingwe tse re sa di itseng tse di tla diregang mo nakong e e tlang. Mo setlhogong seno, re tlile go tlotla ka mabaka a go bo re fetola tsela e re neng re akanya ka yone ka ditiragalo tseo. Go tswa foo, re tla tlotla ka dilo dingwe tse re di itseng tse di tla diregang mo nakong e e tlang le tsela e Jehofa a tlileng go dira dilo ka yone.

CHA TI SINGA ZIBE

3. Ini cha ta leba ne kwe se kwa Jehova A wo dzibila bathu ku be bangwe bedu, ngono ini ti jalo?

³ Mo nakong e e fetileng, re ile ra re fa pitlagano e kgolo e simologa, batho ga ba kitla ba tlhola ba nna le tshono ya go direla Jehofa e bile ba ka se falole Aramagedona. Re ne re akanya jalo ka gonne re tsaya gore se se diragetseng ka nako ya Morwalela, se bontsha se se tla diregang mo nakong e e tlang. Ka sekai, re ne re tsaya gore fela jaaka go ne go se na ope yo o neng a ka kgona go tsena mo arakeng fa Jehofa a sena go “tswala kgoro,” go ka se nne le ope yo o ka kgonang go direla Jehofa kgotsa go bolokwa fa pitlagano e kgolo e simologa.​—Math. 24:37-39.

4. A ngwenu to linga mbiko ye Nkubila ili ye buporofiti? Chenesa.

⁴ A re tshwanetse go akanya gore sengwe le sengwe se se neng se direga mo motlheng wa ga Noa, se ne se bontsha se se tla diregang mo nakong e e tlang? Nnyaa. Goreng re rialo? Ka gonne Baebele ga e bue sepe ka kgang eo.a Ke boammaaruri gore Jesu o ile a bapisa ‘motlha wa ga Noa’ le go nna gone ga gagwe. Le fa go ntse jalo, ga a a ka a re sengwe le sengwe se se neng se direga mo motlheng wa ga Noa, se ne se bontsha se se tla diregang mo nakong e e tlang. Gape ga a a ka a re fa Jehofa a ne a tswala kgoro ya araka, seo se ne se tshwantshetsa sengwe. Mme gone, seo ga se reye gore ga re ka ke ra ithuta sepe mo pegong ya ga Noa.

5. (a) Nuwa wa ka tola thambo ipi ku sathu ku ka be ne Nkubila? (Bahebera 11:7; 1 Pita 3:20) (b) Ha ku zha mu nshingo we ku rera, chimo chedu ngwenu chi nga fanidzanyiwa chini ne cha Nuwa?

⁵ Fa Jehofa a sena go bolelela Noa gore o tlile go fedisa lefatshe, Noa o ile a bontsha gore o na le tumelo ka go aga araka. (Bala Bahebera 11:7; 1 Petere 3:20.) Ka tsela e e tshwanang, fa batho ba sena go utlwa dikgang tse di molemo tsa Bogosi Jwa Modimo, ba tshwanetse go bontsha gore ba na le tumelo ka go dirisa se ba se ithutang. (Dit. 3:17-20) Petere o ne a re Noa ke “moreri wa tshiamo.” (2 Pet. 2:5) Le fa go ntse jalo, jaaka re bone mo setlhogong se se fetileng, ga re itse gore a Noa o ile a kgona go rerela batho botlhe mo lefatsheng pele ga Morwalela. Le rona gompieno re dira sotlhe se re ka se kgonang go rerela batho dikgang tse di molemo tsa Bogosi mo lefatsheng lotlhe. Mme gone, ga re ka ke ra kgona go rerela batho botlhe pele bokhutlo bo tla. Goreng re rialo?

6-7. Ini ku singa ke ku ka khoneka ku rerela nngwe ne nngwe bupelo gwe shango gu sathu gu ka zha? Chenesa.

⁶ Go na le sengwe se Jesu a ileng a se bolelela pele ka tiro ya rona ya go rera. O ile a re dikgang tse di molemo di ne di tla rerelwa “batho ba ba mo lefatsheng lotlhe gore e nne bosupi mo ditšhabeng tsotlhe.” (Math. 24:14) Boporofeti jono bo diragadiwa thata gompieno go feta mo nakong e e fetileng. Batho ba rerelwa ka dipuo di feta 1 000, e bile websaete ya rona ya jw.org e thusa batho ba le bantsi mo lefatsheng gore ba itse dikgang tse di molemo tsa Bogosi Jwa Modimo.

⁷ Gape Jesu o ile a bolelela barutwa ba gagwe gore ba ne ba se kitla ba kgona go ‘wetsa tiro ya bone mo metseng le mo metsaneng yotlhe’ kgotsa go rerela mongwe le mongwe pele a tla. (Math. 10:23; 25:31-33) Se Jesu a ileng a se bua se a direga le gompieno. Batho ba le bantsi ba nna mo mafelong a tiro ya rona ya go rera e thibetsweng kwa go one. Mo godimo ga moo, motsotso le motsotso bana ba a tsholwa. Tota le fa re ka dira sotlhe se re ka se kgonang gore re rerele batho “ba ditšhaba tsotlhe le ba ditso tsotlhe le ba dipuo tsotlhe,” ga re kitla re kgona go rerela mongwe le mongwe mo lefatsheng pele bokhutlo bo tla.​—Tshen. 14:6.

8. Ti nga zwibuzwa buzo ipi ne kwe dzikathulo dza Jehova mu chibaka chi no zha? (Bona zwitshwantsho.)

⁸ Se re tlotlileng ka sone se ka dira gore re ipotse go re: Jehofa le Morwawe yo a mo neileng tiro ya go atlhola, ba tlile go atlhola jang batho ba ba sa nnang le tshono ya go utlwa dikgang tse di molemo pele pitlagano e kgolo e simologa? (Joh. 5:19, 22, 27; Dit. 17:31) Temana ya setlhogo seno e a re Jehofa “ga a eletse gore motho ope a senngwe.” Go na le moo, o batla gore “botlhe ba ikwatlhaye.” (2 Pet. 3:9; 1 Tim. 2:4) Mme gone, Jehofa ga a re bolelele gore o tlile go atlhola jang batho ba ba sa nnang le tshono ya go utlwa dikgang tse di molemo pele pitlagano e kgolo e simologa. Boammaaruri ke gore ga a patelesege go re bolelela gore o dirile eng mo nakong e e fetileng le gore o tla dira eng mo nakong e e tlang.

9. Jehova wa ka ti chenesela zwithu chini ku dwa mu Baibili?

⁹ Go na le dilo dingwe tse Baebele e re bolelelang gore Jehofa o tlile go di dira. Ka sekai, e a re o tlile go tsosa batho “ba ba sa siamang” ba ba sa nnang le tshono ya go utlwa dikgang tse di molemo le ya go tlogela mekgwa e e sa siamang. (Dit. 24:15; Luke 23:42, 43) Seo se dira gore re ipotse dipotso tse dingwe.

10. Kowo be ne buzo dzipi kakale?

¹⁰ A batho botlhe ba ba swang ka nako ya pitlagano e kgolo ga ba kitla ba tsosiwa? Baebele e a re Jehofa le masomosomo a gagwe ba tlile go fedisa batho ba ba kgatlhanong le ene ka ntwa ya Aramagedona. Batho bao ga ba kitla ba tsosiwa. (2 Bathes. 1:6-10) Mme go tweng ka batho ba bangwe? Ka sekai, ba bangwe ba ka swa ka nako ya pitlagano e kgolo ka gonne ba lwala kgotsa ba tsofetse. Ba bangwe bone ba ka bolawa mo dikotsing kgotsa ba bolawa ke batho ba bangwe. (Mor. 9:11; Seka. 14:13) A batho bao ba tla nna mo setlhopheng sa batho “ba ba sa siamang” ba ba tla tsosiwang? Tota ga re itse.

CHA TI NO ZIBA

11. Bathu ba nowo be be athugwa kwa ka lingwani ku nghwa ye Amagedoni?

¹¹ Go na le dilo di le mmalwa tse re itseng gore di tla direga mo nakong e e tlang. Ka sekai, re a itse gore ka nako ya Aramagedona, batho ba tla atlholwa go lebeletswe gore ba ne ba dirisana jang le bomorwarraagwe Jesu. (Math. 25:40) Ba ba tla atlholwang e le dinku, ba tla bo ba bontshitse gore ba ema batlodiwa le Jesu nôkeng. Gape re a itse gore batlodiwa bangwe ba tla bo ba sa ntse ba le mo lefatsheng fa pitlagano e kgolo e sena go simologa le gore ba tla ya kwa legodimong pele ga ntwa ya Aramagedona. Ka jalo, go ka direga gore fa batlodiwa ba sa ntse ba le mo lefatsheng, batho ba nne le tshono ya go ba ema nôkeng le go ba thusa mo tirong ya bone. (Math. 25:31, 32; Tshen. 12:17) Goreng go le botlhokwa gore re akanye ka dintlha tseno?

12-13. Bathu bangwe ba nowo zwibata chini shule kwe ku chinyiwa kwe “Bhabhiloni Nkulu”? (Bona zwitshwantsho.)

¹² Tota le fa pitlagano e kgolo e sena go simologa, batho bangwe ba ka nna ba gopola gore Basupi ba ga Jehofa ga ba bolo go bolelela batho gore “Babelona yo Mogolo,” o tla senngwa. A seo se tla dira gore bangwe ba bone ba simolole go dumela mo go Jehofa?​—Tshen. 17:5; Esek. 33:33.

¹³ Fa e le gore ba tla dira jalo, ba tla bo ba dira se se ileng sa dirwa ke “setlhopha se segolo sa batho ba ba farologaneng” ba motlha wa ga Moshe. Batho bao ba ile ba tsamaya le Baiseraele fa ba tswa kwa Egepeto. Bangwe ba bone ba ka tswa ba ile ba simolola go dumela mo Modimong fa ba bona Dipetso Tse di Lesome tse Moshe a neng a bua ka tsone di direga. (Ekes. 12:38) Fa e le gore go tla direga se se tshwanang fa Babelona yo Mogolo a sena go fedisiwa, a re tshwanetse go kgobega marapo fa bangwe ba simolola go direla Jehofa mmogo le rona pele bokhutlo bo tla? Nnyaa, ga re a tshwanela go kgobega marapo ka gonne re batla go nna le botho jo bo tshwanang le jwa Modimo wa rona “yo o kutlwelobotlhoko le yo o pelotlhomogi, yo o sa galefeng ka bonako le yo o nang le lorato lo logolo lo lo sa kgaotseng le boammaaruri.”b​—Ekes. 34:6.

14-15. A ku chilila chose kwe nthu ko lawugwa ne kuti u no fa lini kene u no fa e gala ngayi? Chenesa. (Pisalema 33:4, 5)

¹⁴ Ka dinako dingwe bakaulengwe le bokgaitsadi ba ka nna ba re: “Go ka nna botoka gore ba masika a me ba swe pele pitlagano e kgolo e simologa gore ba kgone go tsosiwa.” Ba ka tswa ba bua jalo ka gonne ba ba rata. Le fa go ntse jalo, motho ga a newe tshono ya go tshelela ruri go ikaegile ka gore o sule leng. Jehofa ke moatlhodi yo o tshiamiso e bile ditshwetso tse a di dirang ka metlha di siame. (Bala Pesalema 33:4, 5.) Ka jalo, ga re belaele gore “Moatlhodi wa lefatshe lotlhe” o tla dira se se siameng.​—Gen. 18:25.

¹⁵ Gape motho ga a newe tshono ya go tshelela ruri go ikaegile ka gore o nna kwa kae. Go tla bo go sa utlwale go akanya gore Jehofa a ka atlhola batho ba le bantsi ba ba nnang mo mafelong a ba sa kgoneng go utlwa molaetsa wa Bogosi kwa go one a re ke “dipodi.” (Math. 25:46) Moatlhodi wa lefatshe lotlhe o amega ka batho bao go feta kafa rona re amegang ka bone ka gone. Ga re itse gore Jehofa o tla dira eng ka nako ya pitlagano e kgolo. Gongwe bangwe ba batho bao ba tla nna le tshono ya go ithuta ka Jehofa, go dumela mo go ene le go mo direla fa a tla bo a itshepisa leina la gagwe mo lefatsheng lotlhe.​—Esek. 38:16.

16. Ini cha ta zwidiya ne kwa Jehova? (Bona itshwantsho.)

¹⁶ Fa re ntse re ithuta Baebele re ile ra lemoga gore Jehofa o tsaya botshelo bo le botlhokwa thata. O re neile Morwawe gore re kgone go nna le tshono ya go tshelela ruri. (Joh. 3:16) Jehofa o re bontshitse rotlhe fela gore o a re rata. (Isa. 49:15) O itse mongwe le mongwe wa rona sentle mo e leng gore fa re ka swa, o tla re tsosa re na le botho jo re neng re na le jone ka gonne a gopola sengwe le sengwe ka rona. (Math. 10:29-31) Ka jalo, ga re belaele gore Rraarona yo o lorato o tla atlhola ka tsela e e siameng ka gonne o botlhale, o siame e bile o kutlwelobotlhoko.​—Jak. 2:13.

17. Towo zwidiyani mu chidiyo chi no tobela?

¹⁷ E re ka jaanong re tlhaloganya botoka tsela e Jehofa a atlholang ka yone, re a lemoga gore go potlakile thata gore re rere dikgang tse di molemo. Mo setlhogong se se latelang, re tlile go tlotla ka dipotso tseno: “Goreng re re go potlakile thata gore re bolelele batho dikgang tse di molemo? Ke eng se se ka re rotloetsang gore re tswelele re rera re le matlhagatlhaga?