Ngwa Dzowo Ma Lini?—⁠Baibili Ikatini?

Secretary-General we United Nations, António Guterres, ha e leba ne kwe ngwa ye Iran i thasela Israel ne Saturday, April 13, 2024, wa ka ti: “Ngwenu ya be nako ku zwimisila ku tapudza ngwa, ne kuti ti zwibate.”

Ngwa ya ti no bona ku Middle East i ingwe ye ngwa dza ti bona dzi shingikala mu dzingwe shango.

“Shango dza ka lingisana ne ku paphidzika kwe ngwa, chinga kwe World War II, ne kuti to bona bathu ba li 2 billion ba ka amiwa ne ngwa idzedzo.”​—United Nations Security Council, January 26, 2023.

Israel, Gaza, Syria, Azerbaijan, Ukraine, Sudan, Ethiopia, Niger, Myanmar, ne Haiti, i dzingwe dze dzishango dza ka lingisana ne dzingwa dzi no shingikala.a

Ngwa dzowo ma lini? A bantungamili ba nowo zhisa mbakiso mu shango? Baibili i ka tini?

Ngwa dzi zhele mu shango

Ku gwisana ku no shingikala mu shango ko lakidza kuti ngwa dzo dwa dzi pela. Ngwa idzedzi dzo shingikadza buporofiti gwa ka kwagwa mu Baibili gu no leba ne kwe nako dza ti no chilila mu dzili. Baibili i no dzi dana i ti “kupela kwe shango.”​—Matewu 24:3.

• “Mowohwa ngekwe ngwa kose ne makwayi e ngwa. . . . Itjaba tjowomukila itjaba ne bushe gukamukila bushe.”​—Matewu 24:6, 7.

Bala nsholo u no ti “Chilakidzilo che “Mazhuba e Bupelo,” kene “Tjibaka tje Bupelo” Ini?” ku bona kuti ngwa dzo shingikadza chini buporofiti gwe Baibili.

Ngwa i nowo pedza ngwa dzose

Baibili i no leba ne ku pedziwa kwe ngwa. Ichecho chowo shingikala chini? Ichecho a chi towo shingikadziwa ne masimba e bathu, ngono chowo shingikadziwa ne ngwa ye Amagedoni, “ngwa mu zhuba gulu le Ndzimu Masimbawose.” (Zumbunulo 16:14, 16) Ku pela kwe ngwa iyeyi, Ndzimu u nowo shingikadza thembiso iye ye kuti bathu ba be ne mbakiso i singa pele.​—Pisalema 37:10, 11, 29.

Ku zwidiya kwa ka paphidzika kuti ngwa ye Ndzimu i nowo pedza ngwa dzose chini, bala nsholo u noti “Ngwa ye Amagedoni Ini?”