LUTIBI 3

Butjilo muParadise Gwakabe Gwakatini?

Yehova wakapa Adamu na-Eva zwinhu zwinjinji zwakanaka. UGenesisi 1:28

Hule kwekuti Yehova wabumba Eva, unowunlezi kuna-Adamu

Yehova wakathama nkadzi wekutanga, Eva, akamupa Adamu kuti abe nkadzi uwe.—UGenesisi 2:21, 22.

Yehova wakababumba benamikumbulo nemibili yakapelela, isakatjinyika.

Adamu na Eva bakalinga nzi wabo uliParadise

Nzi wabo weParadise waka uli nda we-Edeni—Ndawo iheyo yakabe yakanaka kwazwo inagwizi, muka, ndemiti yemitjelo.

Yehova ayilebeleka ndabo kakale ebadiya. Apa baka bamwhilila, baka bewhotjila nekusingapele muParadise muhango iheyi.

Ndzimu wakababudza kuti basidle ntjelo wenti un’ompela. UGenesisi 2:16, 17

Nti umunda Yehova waka wabudza Adamu na Eva kuti basiwudle

Yehova wakalakidza Adamu na-Eva nti un’ompela wemitjelo, kakale wakababudza kuti bakadla mitjelo yawo banowhofa.

Ngilosi yakayipa Satani inohingisa nyoka kuti ilebeleke na Eva

Yimwe ngilosi yakamukila Ndzimu. Ngilosi iheyo yakayipa inoyi Satani Develi.

Satani waka esingahake kuti Adamu nda-Eva bawhilile Yehova. Ndentha heyo wakahingisa nyoka kuti ibudze Eva kuti hape akadla ntjelo wenti iwoyo unoba seNdzimu, wakabe esingofa. Koga wakabe enyepa.—UGenesisi 3:1-5.