Ndiyani Wakawhilila Ndzimu kunaZamcolo? Ndiyani Usakajalo?

Banjinji baka betjila mulubaka gwaNowa bakathama zwakayipa.UGenesisi 6:5

Adamu nda-Eva bakazwala bana kakale banhu bakahhala hango yose. Ndekunda kwelubaka, dzimwe ngilosi dzakamukila saSatani.

Dzakahha kuhango, dzikatola mibili yebanhu kuti dzitole bakadzi. Bakadzi ibabo bakazwala bakololo bakulukulu, banohlisa kakale banamasimba.

Hango yakahhala banhu baka bethama zwinhu zwakayipa. Bhayibhili loti: “Yipa kwebanhu kwakahhala hango, kakale mimoyo yabo yakabe iyemula zwakayipa lubaka gose.”

Nowa wakawhilila Ndzimu, kabaka ngoro. UGenesisi 6:13, 14, 18, 19, 22

Nowa waka ali nhu wakalulama. Yehova wakabudza Nowa kuti unowhopaladza banhu basakalulama nezamcolo.

Ndzimu wakabudza Nowa kuti abake ngoro hhola, inoyi nu’mba yengoro kakale wakambudza kuti anginise muli iye ndemuka dzakasiyana.

Nowa wakabudza banhu ndeZamcolo yayihha, koga abazowhilila. Bamwe bakamseka; bamwe bakadza bakamhema.

Ngoro wapela, Nowa wakanginisa mhuka.