STUDU 18

Uza informasons ki ta inxina

1 Coríntios 9:19-23

REZUMU: Rasusina ku kes algen i djuda-s xinti ma es prende algun kuza ki bale péna.

Pensa na kuzê ki kes algen dja sabe. Envês di ripiti kuzas ki kes algen dja sabe, djuda-s odja kel asuntu di un manera diferenti.

Pâpia más faxi di un asuntu ki dja es konxe i más divagar óras ki é un asuntu novu.
Faze piskiza i midita. Óras ki da, uza informasons ki es ka konxe dretu ô notísias ki txeu algen sta pâpia na el pa konpara ku kes pontu prinsipal. Pensa dretu sobri kel asuntu i modi ki el sta ligadu ku kel informason ki bu krê pâpia di el.

Óras ki bu sta pripara kel matéria, faze bu kabésa perguntas sima ‘kuzê, pamodi, kantu, undi, kenha i modi’ pa djuda-u rasusina. Pa bu inxina di manera animadu duránti bu aprizentason, faze kes tipu di pergunta li i responde-s.
Mostra modi ki kuzê ki bu sta pâpia di el pode djuda-s. Splika modi ki kes pontu di Bíblia pode djuda kes algen na ses dia-dia. Pâpia di algun situason, atitudi i di algun kuza ki é inportanti pa es.